Tájikstan aýmaǵynda jer silkinisi tirkeldi

ASTANA. QazAqparat - Búgin 14 saǵat 01 mınýt kezinde jer silkinisi boldy. Bul málimetti QR Bilim jáne ǵylym mınıstrligi Ǵylym komıtetiniń Seısmologııalyq tájirıbelik ádistemelik ekspedıtsııasy memlekettik mekemesiniń seısmıkalyq stansalar jelisi tirkedi.

Terbelis epıtsentri Almatydan ońtústik-batysqa qaraı 760 shaqyrym jerde Tájikstan aýmaǵynda bolǵan.

Jer silkinisiniń energetıkalyq klasy 11.7 bolsa, magnıtýdasy MPV 5.7, al tereńdigi 0 shaqyrymdy quraǵan.

Sezilgendigi týraly málimetter joq.

Bul búgingi kúnge tirkelip otyrǵan ekinshi jer asty dúmpýi.

Esterińizge sala keteıik, búgin 11 saǵat 47 mınýt 06 sekýndta Almatydan ońtústik-batysqa qaraı 450 shaqyrym qashyqtyqta Qytaı aýmaǵynda magnıtýdasy 4.8. jer silkinisi tirkelgen edi.