Tájikstan Aýǵanstanmen shekaradaǵy jaǵdaıǵa alańdap otyr

DÝShANBE. Hovar-QazAqparat – 29 qazanda Tájikstan Respýblıkasynyń Syrtqy ister mınıstri Sırodjıddın Mýhrıddın Eýropadaǵy yntymaqtastyq jáne qaýipsizdik uıymynyń (EQYU) Parlamenttik Assambleıasynyń Tóraǵasy Margareta Sederfeltti qabyldady. Bul týraly Tájikstan Syrtqy ister mınıstrligi málim etti, dep habarlaıdy QazAqparat Hovarǵa silteme jasap.

EQYU aıasyndaǵy yntymaqtastyqtyń keń aýqymdy máseleleri talqylandy.

Qarym-qatynastardy keńeıtý úshin parlamentaralyq yntymaqtastyqty nyǵaıtýdyń mańyzy atap ótildi.

Olar COVID-19 pandemııasynyń ekonomıkaǵa áseri, klımattyń ózgerýi, shekara qaýipsizdigi, terrorızm men ekstremızmge, esirtki men qarýdyń zańsyz aınalymyna qarsy kúres sııaqty qazirgi zamannyń syn-qaterlerine birlesip qarsy turýdyń mańyzyn atap ótti.

Sondaı-aq, adam quqyqtary, genderlik teńdik jáne qoǵamnyń saıası jáne ekonomıkalyq ómirindegi áıelderdiń rólin arttyrý máselesi talqylandy.

Kezdesý barysynda Aýǵanstandaǵy sońǵy oqıǵalar qaraldy. S. Mýhrıddın osy elmen shekaradaǵy alańdatarlyq jaǵdaı týraly M.Sederfeltti habardar etti.

EQYU-nyń qaýipsizdikke keshendi tásiliniń úsh ólshemi aıasynda yntymaqtastyqty arttyrý úshin qolda bar múmkindikterdi paıdalanýǵa daıyn ekeni aıtyldy.