Tájik tarapymen shekaradaǵy jaǵdaı boıynsha kelissózder nátıjeli júrip jatyr - Razakov

BІShKEK. Kabar-QazAqparat – Qyrǵyzstannyń vıtse-premer-mınıstri Jenısh Razakov pen Tájikstan premer-mınıstriniń orynbasary Azım Ibrohım Qyrǵyzstan-Tájikstan memlekettik shekarasy aýmaǵyndaǵy jaǵdaı boıynsha kelissózder ótkizdi, dep habarlaıdy QazAqparat Kabar agenttigine silteme jasap.

Kelissózder ózaratúsinistik, baýyrlastyq jáne yntymaqtastyq negizde ótti, dep habarladyQyrǵyzstan úkimetiniń apparaty aqparattyq qamtamasyz etý bólimi.

Kelissózderbarysynda taraptar Batken-Isfana, Isfara-Vorýh tasjoldaryn ashý boıynshakelissózderge qol jetkizdi.

«Biz tájik tarapymenshekara aýmaǵyndaǵy jaǵdaıdy retteý boıynsha nátıjeli kelissózder júrgizdik.Taraptar jaǵdaıdy turaqtandyrý jáne qarbalastyqty joıý maqsatynda Batken-Isfana,Isfara-Vorýh tasjoldaryn ashý boıynsha kelissózderge qol jetkizdi. Joldardy búgintańerteń ashty. Sondaı-aq, jergilikti turǵyndar arasynda zańsyz áreketterge jolbermeý boıynsha túsindirý jumystary júrgizildi. Batken jáne Soǵdy oblystyq ÁÁBqyzmetkerlerimen birlesken qosymsha patrýldeý qoıyldy. Budan bólek, shekaraaýmaǵyndaǵy eldi mekenderdi patrýl baqylaıdy», - dedi Jenısh Razakov.

Jaýapty qyzmettershtattyq rejimde jumys isteýde. Taraptar kelissózder júrgizýdi jalǵastyryp,jaǵdaı boıynsha derekter almasyp jatyr.

Eske sala ketsek, budan buryn qyrǵyz-tájik shekarasynda qarýly qaqtyǵys týyndady, janjalǵa Vorýh (Tájikstan Respýblıkasy) aýylyndaǵy turǵyndardyń eldi mekenniń kire berisine flagshtok ornatýy sebep bolǵandyǵy habarlanǵan bolatyn. Al, qyrǵyz-tájik shekarasyndaǵy atys toqtap, jaǵdaı turaqtala bastaǵandyǵy málimdeldi.

Atys bolǵan ýchaskedegi shekaralyq bólimsheler kúsheıtilgen qyzmet rejimine kóshirilgen. Sondaı-aq , keshe shekara mańynda turatyn halyqpen túsindirý jumystaryn ótkizý kezinde Tájikstan tarapynan Qyrǵyzstan azamatyna eki ret oq atylǵan. Sonyń saldarynan QR Shekara qyzmetiniń áskerı qyzmetkeri jaralandy.