Tájik-aýǵan shekarasynda halyqaralyq lańkestik uıym músheleriniń kózi joıyldy – Tájikstan SІM

DÝShANBE. QazAqparat – Tájikstannyń Aýǵanstanmen memlekettik shekarasyn zańsyz kesip ótpek bolǵan halyqaralyq lańkestik uıym músheleriniń kózi joıyldy, dep habarlaıdy QazAqparattyń menshikti tilshisi.

Tájikstan Respýblıkasy Syrtqy ister mınıstrliginiń málimeti boıynsha, 26 sáýirde halyqaralyq lańkestik uıymnyń eki múshesi Tájikstan aýmaǵynda lańkestik áreket jasaý maqsatynda Tájikstan Respýblıkasynyń Taýly Badahshan avtonomııaly oblysyndaǵy memlekettik shekara syzyǵyn zańsyz kesip ótken.

«Eki lańkesti de Tájikstan quqyq qorǵaý organdary ustady, al terrorshylar men olardyń qoldaýshylarynyń jospary buzyldy», - dep habarlady SІM.

Tájikstan Respýblıkasy SІM shekarany buzý jáne terrorızm aktilerine alańdap otyrǵanyn bildirip, Tájikstan shekarasy barynsha qorǵalatynyn jáne eldiń qarýly kúshteri ony buzbaq bolǵan barlyq tulǵa men toptarǵa der kezinde jáne laıyqty toıtarys beretinin málimdedi.

Mádıbek Jánibekov