Taza tabıǵat: Semeıde sanıtarlyq tazalyq naýqany bastaldy

SEMEI. QazAqparat – Abaı oblysynyń ortalyǵynda sanıtarlyq tazalyqtyń eki aılyǵy bastaldy, dep habarlaıdy QazAqparat tilshisi.

Jalpyqalalyq tazalyq aktsııasy aıasynda qaladaǵy qoǵamdyq oryndar, aıaldama pavılondary jáne qoǵamdyq kólik salondary da tazartylyp jatyr.

«Semeıde qala ákiminiń qaýlysyna sáıkes, «Taza tabıǵat» aktsııasy sheńberinde jalpyqalalyq senbilik uıymdastyryla bastady. Qazirgi ýaqytta qaladaǵy mekemelerge, kásipkerlik nysan ıelerine, turǵyn úılerdi basqarý uıymdaryna habarlama jiberildi. Árkim ózine tıesili aýmaqty tazartýy tıis. Eger tazalyq jumystary júrgizilmese, jergilikti polıtsııa qyzmetkerlerimen reıd jumystary júrgizilip, aıyppul salynady», - dedi Semeı qalalyq ishki saıasat bóliminiń jetekshisi Oljas Soǵymbaı.

Aıta keteıik, ekologııalyq shara sáýirdiń 1-i nen bastalyp, mamyr aıynyń 27-ne deıin jalǵasady.

Berdibek Qarynbaı