Taza Qazaqstan: Jańaózen turǵyndary ekonaýqanǵa qatysty
«Ózenmunaıgaz» AQ Bas dırektory Janbolat Saımaǵanbetov kóktem bastalǵaly qalany abattandyrýǵa 3 myń adam jáne 300 tehnıka jumyldyrylǵanyn atap ótti.
Jergilikti sportshylar da qalany retteýge úles qosty, tańerteńgilik jattyǵýlar arasynda olar ekonaýqanǵa kelip, saıabaqty aramshópterden tazartty.
«Bizdiń aımaqqa velotýrıster jıi keledi. Olar qalamyzdyń nege las ekenine tań qalady. Sondyqtan mundaı jaǵdaı qaıtalanbaýy úshin biz qalamyzǵa qamqorlyq jasaýdy sheshtik», - dep atap ótti veloshabandoz Baýyrjan Medetuly.
Tazalyq naýqanyna ár túrli jastaǵy, kásiptegi jáne áleýmettik mártebedegi adamdar qatysty. Munda qoǵam qaıratkerlerin, sheneýnikterdi jáne qarapaıym úı sharýasyndaǵy áıelderdi de keziktirýge bolady.
Kommýnaldyq qyzmetter kún saıyn 120 tonnaǵa deıin qoqys jınaıdy. Al ekologııalyq naýqan kezinde bul kólem 3 ese artady. Qazir Jańaózende jasyl beldeý qalyptasyp keledi – bıyl qala mańynda 4 myńǵa jýyq aǵash ósip tur. Kásipkerler bul kúsh-jigerdi belsendi qoldap keledi.
«Keıbir aǵashtar sýarylmaı qalady. Osynyń bárin eskere otyryp, «Ózenmunaıgaz» demeýshiligimen ótken jyly sýarý júıesin júrgizdik. 40 núkte ortalyqtandyrylǵan jelilerge qosylǵan», - deıdi qalalyq TKSh jáne turǵyn úı ınspektsııasy bóliminiń basshysy Ádilet Dosanuly.
Jergilikti turǵyndar «Taza Qazaqstan» jobasyn jalǵastyrýdyń mańyzdylyǵyn atap ótti. Turǵyndar bul naýqan barlyq qazaqstandyqtar úshin jaqsy dástúrge aınalýy kerek dep sanaıdy. Prezıdent atap ótkendeı, tek kóshet otyrǵyzýmen jáne qoqys jınaýmen shektelýdiń qajeti joq. Ekologııa máselesinde basqa da kóptegen mańyzdy máseleler bar –tek bárin shynaıy nıetpen jasaý mańyzdy.