«Taza Qazaqstan»: Túrkistan oblysyndaǵy 445 eldi mekende qoqysty alyp ketý júıesi qalyptaspaǵan

<p>TÚRKІSTAN. KAZINFORM &ndash; &laquo;Taza Qazaqstan&raquo; aktsııasy aıasynda qoǵamdyq oryndarda zań talaptaryn buzǵan adamdarǵa 11 myńnan astam hattama toltyrylyp, 150 mıllıon teńge kóleminde aıyppul salyndy. Bul týraly oblystyq Energetıka jáne turǵyn úı kommýnaldyq sharýashylyq basqarmasynyń basshysy Rýslan Muzdybekov málimdedi.</p>

Aktsııa bastalǵaly 74 myńǵa jýyq turǵyn men 1700-ge tarta tehnıka senbilikke jumyldyrylyp, 4 myń tonnadaı qoqys shyǵaryldy. Sondaı-aq, 18 myń shaqyrym joldyń boıy tazartylyp, óńir boıynsha 150 myńǵa jýyq aǵash kóshetteri otyrǵyzyldy. Qalalar men eldi mekenderdiń aýmaqtaryn abattandyrý, kógaldandyrý jáne tazartý boıynsha jyl sońyna deıingi 984 is-shara jospary bekitildi. Sonymen qatar aktsııaǵa oraı dástúrli «Úlgili aýyl» oblystyq baıqaýy bastaldy. Onda ár aýyl óz tazalyǵymen, kógaldandyrý jáne abattandyrý jumystarymen synǵa túsedi. Jeńimpaz atanǵan aýylǵa oblystyq bıýdjet esebinen bir áleýmettik nysan salynady.

«Oblysta 807 eldi meken bar bolsa, sonyń 445-inde qoqystardy alyp ketetin mekeme anyqtalmaǵan. Eldi mekenderdiń kishkentaı bolýynan, qarjynyń az qaralýynan jáne aýdan ortalyǵynan shalǵaıda bolýyna baılanysty jeke mekemeler qoqys tazalaý konkýrstaryna qatysqysy kelmeıdi. Basqa da máseleler bar. Sol sebepti 445 eldi mekende qoqys alyp ketý júıesi qalyptaspaǵan. Osy olqylyqtyń ornyn toltyrý maqsatynda Tabıǵatty retteý basqarmasymen birlesip jumys júrgiziletin bolady» - dedi Rýslan Muzdybekov.