Taza Qazaqstan: Túrkistan oblysynda oqýshylardyń qaýipsizdigi nyǵaıa tústi

<p>ARYS. KAZINFORM — Respýblıka kóleminde ótip jatqan «Taza Qazaqstan» aktsııasy jalǵasýda. Arys qalasynda ótip jatqan ekonaýqanda tek tazalyq qana emes, oqýshylar men turǵyndarǵa jaıly jaǵdaı jasaý maqsatynda jańa jaıaý júrginshiler joldary da salynyp jatyr.</p>

Qala ákimi Gúljan Qurmanbekova qala turǵyndary men oqýshylardyń qaýipsizdigi basty nazarda ekendigin aıtyp, ınjenerlik-ınfraqurylymdy jaqsartý udaıy júrgiziledi degen bolatyn.

Osyǵan sáıkes, qalamyzda joldardy kútip ustaý, onyń ishinde jolda qysqy qar men jańbyrdan paıda bolǵan jaryqshartardy jamaý, eskirgen jol belgilerin aýystyrý, tas tóseý syndy jumystar atqarylyp jatyr. 

Foto: Túrkistan oblysy ákimdigi

Máselen, Tóle bı men I.Aqynbekov kóshesi aralyǵyna jaıaý júrginshiler joly salynýda.

Bul — turǵyndar men ata-analar úshin kópten kútken jańalyq boldy. 

Sebebi, atalǵan kóshe arqyly M.Áýezov pen № 376 bastaýysh mektep oqýshylary mektepke barady. 

Jaıaý júrginshiler jolynyń uzyndyǵy 900 metrdi quraıdy. Jalpy bıylǵy jyly 4 500 sharshy metr jaıaý júrginshiler jolyn salý josparlanyp otyr. 

Foto: Túrkistan oblysy ákimdigi

Mektep oqýshylarynyń jol qaýipsizdigi úshin jasalynyp jatqan ıgi sharalar aldaǵy ýaqytta da jalǵasyn tappaq.

Aıta keteıik, Arys qalasynda ekoaktsııa óte joǵary deńgeıde júrgizilip jatyr.

Bul jumystar shahardyń ajaryn asa túspek.