Taza Qazaqstan: SQO-da 38 myń kóshet egildi

<p>ASTANA. KAZINFORM &mdash; Soltústik Qazaqstan oblysynyń ákimi Ǵaýez Nurmuhambetov &laquo;Taza Qazaqstan&raquo; aktsııasy aıasynda óńirde qandaı jumystar atqarylǵanyn aıtyp berdi.</p>

— Bul aktsııa tek bir jyldyq ekologııalyq jumysty kórsetýdi emes, halyqqa ekologııalyq tártip pen mádenıetti sińirýdi maqsat etedi. Aktsııa aıasynda biz eń aldymen halyqpen júzdesip, shamamen 550 kezdesý ótkizdik, aktsııanyń mánin, ekologııalyq tártip mádenıetin túsindirdik, — dedi oblys ákimi Ortalyq kommýnıkatsııalar qyzmetinde ótken brıfıngte.

Sonymen birge, naýqan aıasynda oblysta 2500-den astam ekologııalyq senbilik ótkizilgen.

 — Bir ǵana «Taza Qazaqstan» aıasynda shamamen 38 myń jasyl jelek otyrǵyzylyp, 300 myń tonnadan astam qoqys shyǵaryldy. Sporttyq alańdar men skverler salyndy. Bul úlken jumys. Oǵan tek eresekter ǵana emes, balalar, mektep oqýshylary men jastar da belsendi qatysty, ıaǵnı halyq óte jaqsy qabyldady, — dedi Ǵ. Nurmuhambetov.

Aıta keteıik, Memleket basshysy Qasym-Jomart Toqaev «Taza Qazaqstan» sharasy jyl on eki aı boıy jalǵasýǵa tıis ekenin aıtqan edi.