Taza Qazaqstan: Keleste 3 jasar egizder ekoaktsııany qoldap, gúl otyrǵyzdy

<p>KELES. KAZINFORM — Elimizde bastalǵan «Taza Qazaqstan» ekologııalyq aktsııasyna jas baldyrǵandar da úles qosyp jatyr. </p>

Keles aýdany «Marııam-MM» bóbekjaı balabaqshasynda «Baldyrǵan» tobynda tálim alyp jatqan 3 jastaǵy egizder Aıman Qajymuhan, Ahmet Qajymuhan jáne «Suńqar» tobynyń 5 jasar egizderi Álııa Ýpabek, Álı Ýpabek tabıǵatty tazalaýǵa óz úlesin qosty.

Balabaqsha meńgerýshisi Aınur Stanbekova balalardy uqyptylyqqa, tazalyqqa balabaqshadan úıretý óte mańyzdy ekenin atap ótti. 

Foto: Túrkistan oblysy ákimdigi

— Balabaqshamyzda tárbıelenýshilerdi tabıǵatty súıýge baýlıtyn túrli is-sharalar ótedi. Bir ǵana tazalyq aktsııasymen shektelip qalmaı, tárbıe saǵattarynda tabıǵatqa qamqorlyq qajet ekendigin nasıhattaımyz. Elimizde 5 aptaǵa sozylatyn naýqannyń birinshi aptasy «Taza ólke» dep bastaldy. Bul bastamany balabaqsha ujymy tolyq qoldaıdy. Balabaqshamyzda tárbıelenip jatqan egizder de osy sharaǵa qatysyp, tárbıeshileriniń kómegimen aýlamyzǵa gúl otyrǵyzdy, — deıdi balabaqsha meńgerýshisi.