«Taza Qazaqstan»: Qaraǵandy oblysynyń jastary ekoaktsııada belsendi

<p>QARAǴANDY. KAZINFORM - Qaraǵandy oblysynyń turǵyndary &laquo;Taza Qazaqstan&raquo; respýblıkalyq ekologııalyq aktsııasyn qoldap, sharaǵa belsendi túrde atsalysyp jatyr. Onynshy qyrkúıekte Saran jastary bógettiń janyndaǵy sý qoımasynyń jaǵalaýyn qoqystan tazartty.</p>

Oblys ákimdigi baspasóz qyzmetiniń málimetinshe, «Jastar taza Qazaqstan úshin!» ekoaktsııasyna 100 qala turǵyny qatysty. 

Foto: Qaraǵandy oblysy ákimdigi

– Bıyl bizdiń súıikti qalamyzǵa 70 jyl tolady. Biz, jastar, Sarandy odan da taza jáne ádemi etkimiz keledi. Qala men eldiń bolashaǵy úshin jaýapkershilikti óz moınymyzǵa alýǵa daıynbyz. Biz únemi ekoaktsııalarǵa qatysamyz. Jaz boıy «Jasyl el» eńbek jasaqtary jumys istedi. Barshany qorshaǵan ortanyń tazalyǵyn saqtaýǵa nemquraıly qaramaýǵa shaqyramyz. Bolashaqta ekologııanyń jaqsy bolýy bizge baılanysty, – deıdi Saran Jastar resýrstyq ortalyǵynyń basshysy Sándi Aqanova.

Sáýir aıynyń basynda Memleket basshysynyń bastamasymen «Taza Qazaqstan» respýblıkalyq aktsııasyn qazaqstandyqtar bir aýyzdan qoldady. Osylaısha, Saranda bul sharaǵa 360 ujym, 12 myńnan astam turǵyn qatysty. 14 myń tonna qaldyq shyǵaryldy. Saıabaqtar men gúlzarlar qoqystan tazartyldy, túrli aǵashtardyń 3 myńnan astam kóshetteri egildi, tarıhı jáne mádenı eskertkishterdiń mańy jınaldy. 

Foto: Qaraǵandy oblysy ákimdigi

Aımaqta ekologııalyq aktsııalar odan ári jalǵasady. Mindet – oblystyń ár buryshyn qamtý, qalalar men aýyldardy taza ári jaıly etý.