Taza Qazaqstan: Bir aptada qaýyrt jelige qoqys úıindilerine qatysty 623 shaǵym túsken

NUR-SULTAN. QazAqparat - Ekologııa mınıstrliginiń qaýyrt jelisine sońǵy aptada stıhııalyq qoqystarǵa qatysty 623 shaǵym kelip tústi, dep habarlaıdy QazAqparat tilshisi.

Vedomstva málimetinshe, stıhııalyq qoqys týraly habarlardyń kópshiligi Almaty (90), Shyǵys Qazaqstan (62) jáne Qaraǵandy ​​oblystarynan (48), sondaı-aq Almaty qalasynan (47) kelip túsken. Aqmola (42) men Aqtóbe oblysy (30) azamattardan túsken ótinish sany boıynsha kóshbasshylar «bestigine» kirdi.

623 shaǵymnyń 469-y úıindilerge, 154-i qoqys tolyp ketken konteınerlerge qatysty.
«Bir apta ishinde ákimdikpen birge 347 qoqys úıindisi joıyldy. Bul baǵyttaǵy jumys jalǵasýda. Jalpy Ekologııa mınıstrligi turǵyndar tarapynan shaǵymdar arttty. Bul azamattyq pozıtsııanyń óskenin bildiredi. Onyń ústine, jedel jeli jumysynyń tıimdiligi keıingi eki aptada aıqyn baıqalady. Shaǵym túskennen keıin aqparat dereý jergilikti ekologııa departamentterine, QR ІІM qyzmeti men ákimdikterge jiberiledi. Mamandar jedel tekserý ornyna baryp, shara qoldanady, kináliler jazalanyp, sonyń ishinde aıyppul óndirilip alynady», delingen habarlamada.
Eske salsaq, Ekologııa mınıstrliginiń qaýyrt jelisiniń nómiri: [phone]. Ýatsap messendjeri arqyly kez kelgen qazaqstandyq óz qalasyndaǵy nemese aýylyndaǵy koqys úıindisi týraly aqparatty, ony rastaıtyn sýret pen vıdeo jibere alady.