«Taza Qazaqstan»: Atyraýda bir kúnde Jaıyq jaǵalaýynan 50 tonna qoqys jınaldy

<p>ATYRAÝ. KAZINFORM &ndash; Atyraý oblysynda &laquo;Taza Qazaqstan&raquo; ekologııalyq aktsııasy aıasynda Jaıyq ózeniniń jaǵalaýy qoqystan tazartyldy. Keshe jaǵalaýdan 50 tonna qoqys jınaldy.&nbsp;&laquo;Info tsentr&raquo; qoǵamdyq birlestiginiń dırektory Zamanbek Quraqbaıdyń málimetinshe, keshe, 30 qyrkúıekte Jaıyq ózeni jaǵalaýyn sanıtarlyq tazartý aktsııasy ótken.&nbsp;</p>

«Tabıǵatty qorǵaý aktsııasy jastardyń sanasynda otansúıgishtik, týǵan elge, qorshaǵan ortaǵa janashyrlyq sezimin qalyptastyrýǵa yqpal etedi. Sol sebepten, Atyraý qalasy men shahar mańyndaǵy aýyldyq okrýgterde ótken tabıǵat qorǵaý aktsııasynyń maqsaty ekologııalyq mádenıetti qalyptastyrý, turǵyndardyń qorshaǵan ortany taza ustaýǵa úndedi. Aktsııaǵa qatysýshylar jaǵasyn ósken aram shóp pen túrli qoqystan tazartty. Bir kúnde jaǵalaýdan 50 tonnaǵa jýyq qoqys jınaldy», -deıdi Zamanbek Quraqbaı. 

Foto: Atyraý óńirlik kommýnıkatsııalar qyzmeti

Kóktemgi sý tasqyny kezinde Jaıyq ózeniniń jaǵalaýyna topyraq salynǵan 5 mln-ǵa jýyq qap tóselgen edi. Sý deńgeıi tómendegenen beri ózen jaǵalaýyn tazartý júrip jatyr. 

«Jyl sońyna deıin «Taza Qazaqstan» ekologııalyq aktsııasy aıasynda 19 tabıǵat qorǵaý is-sharasyn iske asyrý kózdelip otyr. Osy kezge deıin 13 senbilik ótkizilip, oǵan 45 myńnan astam adam qatysty. Qoqys polıgondaryna 1500 tonnadan astam qoqys shyǵaryldy», - deıdi Zamanbek Quraqbaı. 

Foto: Atyraý óńirlik kommýnıkatsııalar qyzmeti

Eske sala ketelik, budan buryn Atyraý oblysynda maýsym aıynan beri 89,4 mln balyq shabaǵy qutqarylǵanyn jazǵan edik.