Taza Qazaqstan: Arystyq kásipker óz qarjysyna kósheni jaryqtandyryp, 3000 astam aǵash ekti

<p>&nbsp; TÚRKІSTAN. KAZINFORM - Arys qalasyndaǵy A.Baıtursynov kóshesiniń turǵyndary &laquo;Taza ólke&raquo; aktsııasy aıasynda ózderi turatyn kósheni abattandyryp shyqty. Igi bastamaǵa atalǵan kósheniń turǵyny, jergilikti kásipker Azamat Baıbosynov uıytqy bolyp otyr.</p>

Kásipker óz qarjysyna boıy 2 metrden asatyn 120 túp qara tal, 3000 túp butaly aǵash, 200 túp roza kóshetterin satyp alyp, jasyl jelekti kórshilerimen birge kóshe boılaryna otyrǵyzyp shyqqan. Sondaı-aq, ár turǵyn óz úıiniń irgesindegi tal-daraqtardy turaqty túrde kútip-baptap keledi. Budan bólek, turǵyn óz qarjysyna 12 dana túngi jaryqsham baǵandary men qoqys jáshikterin ornatyp, jerlesteriniń alǵysyn aldy.

«Bul ıdeıa meniń bala kezgi armanym bolatyn. Jaryq jáne taza, úlgili kóshede turý úlken baqyt dep bilemin. Men yntymaǵy jarasqan kórshilerime alǵysymdy aıtamyn. Bıyl qaladaǵy úlgili kóshe atanýǵa qatysý oıymyzda bar», – deıdi Azamat Baıbosynov.