«Taza Qazaqstan»: Almaty kóshelerinen kún saıyn 150 tonnadan astam qoqys shyǵarylady

<p>ALMATY. KAZINFORM - Almatyda qala kúni qarsańynda 9-13 qyrkúıek aralyǵynda &laquo;Almaty &ndash; bizdiń ortaq úıimiz&raquo; qalalyq naýqany jáne &laquo;Taza Qazaqstan&raquo; respýblıkalyq baǵdarlamasy aıasynda kóshelerdi, qala ınfraqurylymyn, aýla aýmaqtaryn, balalar alańdaryn, sýburqaqtardy, ózender men sý aıdyndary jaǵalaýyn, saıabaqtar, skverler men taý baýraıyn tazalaý boıynsha aýqymdy jumys júrgiziledi.</p>

Aıta ketken jón, kún saıyn qala kóshelerinen 150 tonnadan astam qoqys shyǵarylady. Magıstraldyq kósheler kúnine eki ret, al aýdandyq mańyzy bar kósheler kúndelikti tazartylady. Kommýnaldyq qyzmet 56 jerasty jáne 78 jerústi jaıaý júrginshiler ótkelin, 1 765 aıaldamany, 480 baǵdarsham nysanyn, jaryqtandyrý quraldaryn, kórsetkishterdi, týrıstik totemderdi, qoǵamdyq dárethanalardy tazalaıdy.

Foto: Almaty ákimdigi

– Almatyda kommýnaldyq menshik ıeliginde 66 sýburqaq bar, onyń altaýy jóndelip jatyr. 250 sharshy shaqyrymdy quraıtyn ózender men sý qoımalarynyń jaǵalaýy, saıabaqtar, skverler men taý bókterleri de retke keltiriledi. Apattyq jaǵdaıdaǵy aǵashtardyń butaqtaryn sanıtarlyq maqsatta kesý men kesip alyp tastaý jumystary jalǵasady, - dep habarlady ákimdikten.

Almaty qalasy kúni qyrkúıek aıynyń úshinshi jeksenbisinde atap ótiledi.

Eske salaıyq, buǵan deıin Almatynyń «Altyn orda» bazarynda órt shyqqany týraly jazǵanbyz.