«Taza Qazaqstan» aktsııasy azamattardyń ekologııalyq mádenıetin damytady – Asyly Osman

<p>ALMATY. KAZINFORM -&nbsp;&nbsp;&laquo;Taza Qazaqstan&raquo; respýblıkalyq ekologııalyq aktsııasy aıasynda elimizdiń ár óńirinde aǵash otyrǵyzyldy.</p>

Qoǵam qaıratkeri, fılologııa ǵylymdarynyń doktory Asyly Osman mundaı bastamalar ómirdiń barlyq salasynda ekologııalyq minez-qulyqtyń jańa úlgisin damytady dep sanaıdy. Bul týraly Almaty ákimdiginiń baspasóz qyzmeti málim etti.

«Bizdiń qala gúldenip, ózgere bersin, bárimiz ony qorǵaýymyz kerek. Jasyma qaramastan, búgin osy aktsııaǵa qatysamyn. Óıtkeni Almaty bireý, árkim óz úıine qamqorlyq jasaýy kerek», - dedi professor.

Onyń pikirinshe, aǵash otyrǵyzý senbilikten aýqymy áldeqaıda úlken. Óıtkeni mundaı is-sharalar biriktirýshi faktor bolyp sanalady.

Aıta keteıik, elimizde «Taza Qazaqstan» aktsııasyna 1 mıllıonnan astam adam qatysty. «Jasyl aımaq» aptalyǵy aıasynda búkil el boıynsha 330 myńnan astam kóshet otyrǵyzylyp, 500-den astam saıabaq men alań abattandyryldy.