Taza Qazaqstan: 100-den astam volonter elorda mańyn jınady

<p>ASTANA. KAZINFORM &ndash; Búgin Astana mańyndaǵy Óndiris turǵyn úı alabynda &laquo;Sátti sársenbi&raquo; atty ekologııalyq aktsııa uıymdastyryldy.&nbsp;</p>

«Búgingi aktsııa Astana qalasy jastar saıasaty máseleleri basqarmasynyń qoldaýymen ótip otyr. «Jasyl el» belsendileri negizinen kógaldandyrý jumystarymen aınalysady, búgin qala syrtyna qoqys-qaldyqtardy jınaýǵa shyqtyq. Aktsııaǵa 100-den astam volonter qatysyp otyr», - dedi «Jasyl el» jobasy jetekshisiniń orynbasary Asylbek Abdýraıtov elordada ótken ekologııalyq aktsııa barysynda.

Foto: Vıktor Fedıýnın/ Kazinform

Astanalyq jastar Óndiris turǵyn úı alabynda 10 gektar jerdiń qoqysyn jınap shyqty. 

«Qaladaǵy 5 aýdannyń ákimdigimen birlesip jumys isteımiz, olar qaı jerlerdi jınaý kerektigin aıtyp otyrady», - deıdi ol. 

Foto: Vıktor Fedıýnın/ Kazinform

Sondaı-aq «Jasyl el» jobasynyń ókili ekologııalyq aktsııanyń jalǵasatynyn aıtty. 

«Jasym 14-te, №54 mekteptiń oqýshysymyn. «Jasyl el» jobasy týraly anam aıtty, men jumys isteımin dep sheshtim. Búgin alǵash qalanyń syrtyna qoqys jınaýǵa shyqtyq. Bul jerde kirpish synyqtary, bos bótelkeler men janýarlardyń súıekteri kóp eken», - deıdi aktsııa qatysýshysy Álıhan Asylhan. 

Foto: Vıktor Fedıýnın/ Kazinform

Eske sala ketsek, bıyl kóktemde «Taza Qazaqstan» aktsııasy aıasynda 100 myń aǵash egildi.