«Taza qala» − Prezıdent Teleradıokesheniniń jańa jobasy
Túsirilim toby Qazaqstannyń iri jáne shaǵyn qalalaryna barady jáne árqaısysynyń tazalyǵy men kórki týraly áńgimeleıdi. Jýrnalıster jergilikti turǵyndarmen kezdesedi, kommýnaldyq qyzmetterdiń jumysyn kóredi, qoǵamdyq birlestikter ókilderimen, aımaqtyń ekologııalyq ómirine belsendi qatysatyn barlyq eriktilermen tanysady.
«Taza qala» jobasynyń ár shyǵarylymynda tilshiler jergilikti bılik ókilderimen suhbattasyp, táýelsiz ekolog-sarapshylarmen birge óz baǵalaryn beredi. Bul eldi mekender men jalpy óńirlerdiń sanıtarlyq tazalyq, ekologııalyq tazalyq, abattandyrý boıynsha obektıvti reıtıngin jasaýǵa múmkindik beredi.
«Taza qala» telejobasynyń túsirilimi Taraz, Shymkent, Túrkistan, Qyzylorda qalalarynan bastaldy. Baǵdarlama shyǵarylymdary 7 maýsymnan bastap «Jibek Joly» telearnasynyń efırinen kórsetiledi, al Kazinform agenttiginiń saıtynda foto jáne vıdeoreportajdar serııasy shyǵady.
Kórermenderimizdi Qazaqstan qalalarynyń tazalyq reıtıngin jasaý úshin «Taza qala» ekologııalyq joba shyǵarylymdaryn kórýge shaqyramyz. Rasynda da, árqaısysymyzdyń artymyzda kúndelikti kútimdi, uqyptylyqty jáne ony únemi bezendirýge tyrysýdy qajet etetin týǵan qalamyz tur. Aýladaǵy, kóshedegi, aýdandaǵy tazalyq – tutas eldegi tazalyq.