«Taza Astana» — jyl boıy jalǵasatyn jarqyn joba

<p>ASTANA. KAZINFORM &mdash; Memleket basshysy Qasym-Jomart Toqaevtyń tapsyrmasymen elimizde &laquo;Taza Qazaqstan&raquo; aktsııasy ótkeni belgili. Áý basta aktsııa belgili bir ýaqytpen shektelip qalmaı, jyl boıy jalǵassyn tapsa degen usynys aıtylǵan-dy. Muny qaperine alǵan Astana qalasynyń ákimdigi &laquo;Taza Astana&raquo; áleýmettik jobasyn qolǵa alyp, elordalyqtardy jobaǵa belsendi atsalysýǵa shaqyryp otyr.&nbsp;</p>

Jobanyń maqsaty qandaı? Nege basymdyq beriledi? Osy jáne ózge saýaldarǵa jaýap izdegenderge «Órken qala» JShS ókilderi arnaıy jıyn uıymdastyrdy. Іs-sharaǵa turǵyn úıge qyzmet kórsetetin uıymdardyń basshylary, MIB tóraǵalary, turǵyn úı ortalyǵynyń jáne aýdan ákimdikteriniń birqatar mamany qatysty.

Foto: Astana qalasynyń ákimdigi

«Órken qala» JShS basshysynyń orynbasary Gýlvıra Abetova jınalǵandarǵa shyraıly shahardy árdaıym taza ustaý úshin bir kúndik senbilik jáne aılyqtar ótkizýmen shektelip qalmaý kerek ekenin jetkizdi.

Foto: Astana qalasynyń ákimdigi

«Taza Astana» jobasyna eriktilerdi, qoǵam belsendilerin, depýtattardy tartý kózdelip otyr. Árıne, qarapaıym turǵyndar da qalys qalmaýy mańyzdy. Sebebi, maqsat ortaq. Elordanyń tazalyǵyna ár turǵyn alańdaýǵa tıis. Bul rette, turǵyndarmen qarym-qatynas ornatýda turǵyn úılerge qyzmet kórsetetin uıymdardyń ókilderi belsendi bolýy kerek. Osylaısha, jyl boıy abattandyrý, kógaldandyrý, tazalaý jumystary júıeli júrgiziledi degen senimdemin», - dedi Gýlvıra Abetova.

Jobanyń taǵy bir tıimdiligi, kórshilerdiń birligin arttyryp, bir-birimen baıandy baılanys ornatýyna da septigin tıgizbek. Jasyratyny joq, keıbir turǵyndar úıdiń tazalǵyna atsalysý bylaı tursyn, kórshilerin de tanymaıdy. Muny turǵyn úılerge qyzmet kórsetetin uıymdardyń ókilderi de rastap otyr. Olar turǵyndarda erinshektik basym ekenin alǵa tartyp, kondomınýmnyń ortaq nysandaryn kútip-ustaýǵa atústi qaraıtynyn da jasyrmady. Bul rette, áleýmettik joba mundaı keleńsizdikterdi joıýǵa túrtki bolady dep kútilip otyr.

Belgili bolǵandaı, aýlalardaǵy jumystardyń sapasyn baqylaý úshin arnaıy ekologııalyq komıssııa qurylmaq. Olar aı saıyn «eń úzdik aýla», «eń úzdik uıym» sııaqty úzdikterdiń úzdigin anyqtap, turǵyndardy yntalandyryp otyrmaq. Alǵys hattar óz aldyna, baǵaly syılyqtar úlestiriletinin atap ótken jón.