Taıvan mańynda eki ret jer silkindi

<p>ASTANA. KAZINFORM &mdash; Qytaılyq seısmologtar Taıvan aralynyń mańynda eki jer silkinisin tirkedi, dep jazady<a href="https://russian.news.cn/20240427/d9f6107967d6488b9ca172e1a981d66c/c.html" target="_blank" rel="noopener"> Sınhýa.</a></p>

Senbi kúni Beıjiń ýaqytymen saǵat 02:21-de Taıvannyń Hýalıan okrýgine jaqyn teńiz aımaǵynda magnıtýdasy 5,6 baldyq jer silkinisi tirkeldi, dep habarlaıdy Qytaıdyń seısmologııalyq ortalyǵy.

Ortalyq málimetinshe, jer silkinisiniń oshaǵy soltústik endik boıynsha 24,08, shyǵys boılyq boıynsha 121,77 gradýs koordınataly núktede ornalasqan. Gıpotsentr 30 km tereńdikte jatyr.

Saǵat 02:49-da dál osy aýdanda magnıtýdasy 5,3 bolatyn jerasty dúmpýleri tirkeldi.

Mundaǵy jer silkinisiniń oshaǵy soltústik endikte 24,21 gradýs, shyǵys boılyqta 121,77 gradýs koordınataly núktede ornalasqan. Gıpotsentr 27 km tereńdikte.

Buǵan deıin sáýir aıynyń basynda Taıvan jaǵalaýynda magnıtýdasy 6,5-ke deıin jetetin 20-dan astam jer silkinisi tirkelip, saldarynan 13 adam qaıtys bolǵany habarlanǵan edi.