Taıvandaǵy jer silkinisinen 2 adam qaza bolyp, júzdegen adam jaraqat aldy

ASTANA. QazAqparat - Taıvannyń Hýalıan ýeziniń akvatorııasynda keshe túnde bolǵan jer silkinisinen 114 adam zardap shegip, eki adam qurban boldy. Bul týraly Taıvan ákimshiliginiń quzyrly organ basshysy habarlady, dep jazady Sınhýa.

Qytaıdyń seısmologııalyq jeliler ortalyǵynyń habarlaýynsha, 6,5 magnıtýdalyq jer silkinisi keshe keshkisin saǵat 23:30-da Taıvandaǵy Hýalıan akvatorııasynda boldy. Zilzalanyń epıtsentri soltústik endikten 24,13 gradýs, ońtústik boılyqtan 121,71 gradýs qashyqtyqta bolǵan. Tereńdigi 11 km.

Hýalıanda kóptegen ǵımarattar buzylǵan. Naqtyraq aıtqanda «Týnshýaı» qonaqúıiniń ńımaratyna zaqym kelgen. Órt sóndirýshiler qıranylar astynda qonaqúıdiń 3 qyzmetkeri qalǵandyǵyn rastady. Olardyń ekeýimen baılanys joq.