Taıvanda qýatty jer silkinisi boldy

ASTANA. QazAqparat - Taıvandaǵy Hýalıan ýezi akvatorııasynda 6,5 magnıtýdaly jer silkinisi boldy, dep habarlaıdy Sınhýa.

Zilzalanyń epıtsentri soltústik endikten 24,13 gradýsta, ońtústik boılyqtan 121,71 gradýsta ornalasqan. Tereńdigi 11 km. Bul týraly Qytaıdyń seısmologııalyq jeli ortalyǵy habarlady.

Taıvannyń meteoqyzmeti jer silkinisiń magnıtýdasyna 6,0 degen baǵa bergen.

Jerasty dúmpýi araldyń kóptegen aýdandarynda sezildi. Hýalıanda kóptegen qurylystar qırady. Zardap shekkender men qurban bolǵandar týraly málimetter joq.

Aqpannyń 4-i kúni keshkisin osy aýdanda 5,0-den 6,4-ke deıingi magnıtýda aralyǵyndaǵy jer silkinisi boldy. Jalpy 4 aqpannan bastap, búginge deıin Taıvanda júzdegen jer silkinisi boldy.