Taılandtaǵy týrnır: 9 qazaqstandyq boksshy jartylaı fınalǵa shyqty

NUR-SULTAN. QazAqparat - Taılandtyń Phýket qalasynda qalasynda ótip jatqan Thailand Open-2022 týrnırinde qazaqstandyq toǵyz boksshy jartylaı fınalǵa joldama aldy, dep habarlaıdy QazAqparat tilshisi.

Búgin shırek fınalda Serik Temirjanov (57 keli) sıngapýrlik Mohamed Hanýrdın Bın Hamıdti jeńdi.

Al el quramasynan Sáken Bıbosynov (52 keli) taılandtyq Tanarat Saenfetti tize búktirdi.

Eske salsaq, budan buryn Sanatálı Tóltaev pen Sultan Mýsınov ( ekeýi de 63 keli), Aslanbek Shymbergenov (69 keli), Aıatýlla Tákijanov (75 keli), Saǵyndyq Toǵambaı jáne Aıbek Oralbaı (ekeýi de 91 keli) jartylaı fınalǵa shyqty.

Sondaı-aq, týrnırde qazaqstandyq taǵy bir boksshy Nurbek Oralbaı birden jartylaı fınalǵa shyǵyp, júldeger atanýǵa múmkindik aldy.

El quramasynan Tımýr Nurseıitov (75 keli) shırek fınalda jarys jolynan shyǵyp qaldy.

Halyqaralyq týrnır 9 sáýirde máresine jetedi.