Taılandpen shekaralas aýmaqtarda 200-ge jýyq qazaqstandyq quldyqta bolǵan – SІM

<p>ASTANA. KAZINFORM &ndash; Sońǵy eki jylda Taıland elimen shekaralas elder aýmaǵynda 200-ge jýyq Qazaqstan azamaty eńbek quldyǵynda bolǵan. Bul týraly Syrtqy ister mınıstrliginiń resmı ókili Aıbek Smadııarov málim etti.</p>

«Sońǵy 2 jylda Taılandpen shekaralas Mıanma jáne Laos aýmaqtarynda 200-ge jýyq Qazaqstan azamaty eńbek quldyǵyna túskeni málim. Elshiliktiń járdemimen atalǵan elderdiń aýmaǵynan 28 azamat shyǵaryldy. Aıta ketý kerek, 60-qa jýyq otandasymyz elshiliktiń kómegine súıenbeı, Qazaqstanǵa óz erkimen oralǵan. Qazir bizde bar aqparatqa sáıkes, atalǵan elder aýmaǵynda 100-ge jýyq qazaqstandyq quldyqta qalyp otyr», - dedi Aıbek Smadııarov vedomstvoda ótken baspasóz máslıhatynda.