Taıaýda jemqorlardy shetelge shyǵarmaý normasy talqylanýy múmkin - Botagóz Jaqselekova

<p>ASTANA. KAZINFORM &mdash; Taıaýda zań jobasyna jemqorlardy shetelge shyǵarmaý týraly normany engizý máselesi qaralýy múmkin. Bul týraly múmkindigi bar QR Ádilet vıtse-mınıstri Botagóz Jaqselekova málim etti.</p>

Búgin Senattyń jalpy otyrysynan keıingi baspasóz máslıhatynda tilshiler Ádilet mınıstrligi jemqorlardy shetelge shyǵarmaý týraly normaǵa ne sebepti qarsy shyqqanyn surady.

Óz kezeginde B. Jaqselekova 15 qańtarda Májiliste jemqorlyqqa qarsy is-qımyl máseleleri týraly talqylanǵan zań jobasy boıynsha atalǵan túzetý jumys tobynyń qaraýyna resmı túrde engizilmegenin aıtty.

- Keshe bul jaıynda aıtylǵan edi, ıaǵnı bizde ony talqylaýǵa ýaqyt bar. Zań jobasyn ekinshi oqylymǵa daıarlaý kezinde birneshe ret jumys tobynyń otyrysy ótedi. Eger depýtattar osy bastamany kóterse, biz ony qarastyramyz, - dedi vıtse-mınıstr.

Buǵan deıin habarlanǵandaı, jaqynda Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly» zań jobasy men ilespe qujat birinshi oqylymda maquldandy. 

Osy qujatty talqylaý kezinde Májilis depýtaty Azat Perýashev sybaılas jemqorlyqpen kúresti jetildirýge arnalǵan zań jobasyn talqylaý kezinde halyqtyń qarjysyn jymqyrǵandardy shetelge shyǵarmaýdy usyndy.

Onyń aıtýynsha, Ádilet mınıstrligi jemqorlardy shetelge shyǵarmaý týraly normaǵa qarsy shyqqan.

Al Májilis depýtaty Aıdos Sarym atalǵan normany engizý múmkindigi bar ekenin atap ótti.