Taıaýda Qyrǵyzstan prezıdenti Ózbekstanǵa memlekettik saparmen barmaq

<p>TAShKENT. KAZINFORM &ndash; Jaqyn arada Qyrǵyzstan prezıdenti Sadyr Japarovtyń Ózbekstanǵa memlekettik sapary josparlanyp otyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Atalǵan sapar týraly Bishkekte ótken Qyrǵyzstan-Ózbekstan bıznes-forýmynda Qyrǵyzstannyń Ekonomıka jáne kommertsııa mınıstriniń orynbasary Sanjar Bolotov aıtty.

«Jaqyn arada Qyrǵyz Respýblıkasynyń prezıdenti Sadyr Japarovtyń Ózbekstanǵa memlekettik sapary josparlanyp otyr. Qos prezıdenttiń aldaǵy kezdesýi kórshiles jáne ózara tıimdi qarym-qatynastardy damytýǵa, elderimiz arasyndaǵy dostyq baılanystardy nyǵaıtýdaǵy mańyzdy sát bolady. Eki el úkimetteriniń aldyna ózara taýar aınalymyn 2 mlrd dollarǵa jetkizý mindeti qoıyldy. Bul qol jetkizýge bolatyn meje. Ol úshin birlesip jumys istep, barlyq mehanızmderdi paıdalanýymyz kerek», - dep atap ótti Sanjar Bolotov.

Aıta ketsek, Sadyr Japarov keıingi ret Ózbekstanǵa 2021 jyly naýryzda memlekettik saparmen kelgen bolatyn.