Taıaýda 111 biryńǵaı baılanys ortalyǵy iske qosylady

NUR-SULTAN. QazAqparat - Bıyl qyrkúıek aıynda 111 biryńǵaı baılanys ortalyǵy iske qosylady. Ortalyqqa quqyǵy buzylǵan, turmystyq zorlyq-zombylyq kórgender habarlasa alady. Bul týraly Ortalyq kommýnıkatsııalar ortalyǵynda «Ózińdi jáne jaqyndaryńyzdy býllıng jáne kıberbýllıngten qalaı qorǵaýǵa bolady» taqyrybynda ótken brıfıngte aıtyldy, dep habarlaıdy QazAqparat tilshisi.

Bul baılanys ortalyǵy 2016 jyldan beri jumys isteı bastaǵan. Bıyl qaıta iske qosyldy.

«Bul býllıng, kıberbýllıngke qarsy mańyzdy mehanızm. Oǵan turmystyq zorlyq-zombylyqqa kýá bolǵan bala da, eresek te habarlasa alady. Bul ortalyq Qazaqstan boıynsha jumys isteıdi. Respýblıkalyq mańyzy bar ár qalada óziniń keńsesi bar. Qońyraýdy operatorlar, psıhologtar qabyldaıdy jáne birden jergilikti polıtsııa departamentine baılanysqa shyǵady», - deıdi BUU-nyń adam quqyǵy boıynsha sarapshysy Halıda Ájiǵulova.

Eske sala ketsek, buǵan deıin mamandar býllıngpen qalaı kúresýge bolatyny týraly aıtqan edi.