Taıaý Shyǵysta ıadrolyq qarýdan azat aımaq qurý mańyzdy - Nursultan Nazarbaev
«Senim sharalary búginde dramalyq oqıǵalardy bastan ótkerip jatqan Taıaý Shyǵys úshin de ózekti bolyp otyr. Sırııadaǵy shıelenis aımaqtan alys jatqan óńirlerge de zııanyn tıgizýde. Ózara senimniń Jeneva kelissózderin tolyqtyryp, Sırııadaǵy jaǵdaıdy beıbit jolmen retteýge qoldan kelgenshe úles qosyp kele jatqan Astana alańyndaǵy dıalogqa negiz bolǵanyn osy jerde erekshe atap ótken jón», - dedi Elbasy.
Qazaqstan Prezıdenti jappaı qyryp-joıý qarýlarynyń taralýymen kúres júrgizýdegi tıimdi quraldyń biri ‒ ıadrolyq qarýdan azat aımaqtar qurý ekendigin basa aıtty.
«Sondaı-aq, bul ujymdyq senim bildirýdiń úlgisi bolyp tabylady. Taıaý Shyǵysta ıadrolyq qarýdan azat aımaq qurýǵa kúsh-jiger jumsaýdy jalǵastyrý mańyzdy dep sanaımyn. Múddeli taraptardy jumysty jańǵyrtýǵa shaqyramyn jáne keıbir elder arasyndaǵy túsinispeýshilikter jaqyn arada sheshimin tabady dep úmittenemin», - dedi Elbasy.