QR Syrtqy ister mınıstrliginiń baspasóz qyzmeti taratqan aqparattarǵan qaraǵanda, evakýatsııa bastalǵaly beri rezıdent jáne rezıdent emes áýe kompanııalarynyń jalpy sany 12 áýe reısimen 3300-den astam qazaqstandyq elge oraldy.
Áýe reısterimen qatar, azamattardy shyǵarý jerústi joldary arqyly da júzege asyrylyp jatyr.
Irandaǵy dıplomattar 6 naýryzda «Zarkýh» kompanııasynda jumys isteıtin 7 Qazaqstan azamatyn ıran-armıan shekarasyna jetkizýdi josparlap otyr. Buǵan deıin Tegeran men Erevandaǵy dıplomattar Iran aýmaǵynda qalǵan «Zarkýh» kompanııasynyń 34 qyzmetkeriniń elden shyǵýyn uıymdastyryp, olar avtobýspen ıran-armıan shekarasyn ótti. Jalpy Irannan búginge deıin 52 Qazaqstan azamaty elge qaıtaryldy.
-Óńirdegi Qazaqstannyń dıplomatııalyq ókildikteri evakýatsııa tolyq aıaqtalǵanǵa deıin jergilikti jerde úılestirý jumystaryn jalǵastyryp, shıelenis aımaǵyndaǵy otandastarymyzben turaqty baılanysta bolady,-delingen QR SІM baspasóz qyzmeti taratqan aqparatta.
Osyǵan deıin Taıaý Shyǵys elderi aýmaǵynan 2463 Qazaqstan azamaty evakýatsııalanǵany týraly jazdyq.