Taıaý Shyǵystaǵy qaqtyǵystan zardap shekken Qazaqstan azamattary joq – SІM

<p>ASTANA. KAZINFORM &ndash; Taıaý Shyǵystaǵy shıelenis saldarynan zardap shekken nemese qaza tapqan Qazaqstan azamattary bar ma? Bul saýalǵa Syrtqy ister mınıstrliginiń resmı ókili Aıbek Smadııarov jaýap berdi.</p>

«Izraıl, Iran jáne Lıvanda zardap shekken nemese qaza tapqan qazaqstandyqtar týraly aqparat túsken joq», - dep qysqa qaıyrdy Aıbek Smadııarov vedomstvoda ótken baspasóz máslıhatynda. 

Aıta ketsek, Qazaqstannyń konsýldyǵy esebinde Izraılde 120 azamat, Iranda 102 azamat jáne Lıvanda 139 azamat tur. Onyń ishinde dıplomattar men olardyń otbasy músheleri de bar.
Osy oraıda elimizdiń Syrtqy ister mınıstrligi atalǵan elderdegi Qazaqstan azamattaryn konsýldyq esebine turýǵa shaqyrady.

Buǵan deıin Qazaqstannyń Izraıldegi Elshiligi Taıaý Shyǵystaǵy jaǵdaıǵa baılanysty úndeý jasaǵanyn jazǵan bolatynbyz.

Aıta keteıik, buǵan deıin Iran Izraıldi bombalady, qaptaǵan zymyran ushyrdy.

Artynsha, Ulybrıtanııa Irannyń Izraılge zymyrandyq shabýylyn aıyptady.

Sondaı-aq Iran men Aýǵanstan shekarasynda 10 shaqyrymdyq qabyrǵa turǵyzyldy.

Qazaqstannyń Azamattyq avıatsııa komıteti Taıaý Shyǵystaǵy kúrdeli ahýalǵa baılanysty málimdeme jasady.

Sondaı-aq Izraıl, Iran jáne Lıvanda qansha Qazaqstan azamaty esepte turǵany belgili boldy.