Taýly Qarabaqtaǵy jaǵdaı Jeneva men Máskeýde talqylanbaq

EREVAN-BAKÝ. QazAqparat – Reseı, AQSh jáne Frantsııa EQYU Mınsk tobynyń teń tóraǵalary retinde Jeneva men Máskeýde Taýly Qarabaqtaǵy jaǵdaı boıynsha kelissózder júrgizedi. Bul týraly Frantsııanyń Syrtqy ister mınıstrligi habarlady, dep habarlaıdy «QazAqparat» HAA tilshisi.

Frantsııanyń Syrtqy ister mınıstr Jan-Iv Le Drıan Reseı, AQSh jáne Frantsııa EQYU Mınsk tobynyń teń tóraǵalary retinde 8 qazanda Jenevada, al 12 qazan kúni Máskeýde Taýly Qarabaqtaǵy jaǵdaı boıynsha kelissózder júrgiziletinigi týraly aıtty.

Sonymen qatar, Ázerbaıjan Syrtqy ister mınıstri Djeıhýn Baıramov 8 qazanda Jenevaǵa jumys saparymen barady. Bul týraly eldiń syrtqy saıasat vedomstvosynyń habarlamasynda aıtylǵan. Sapardyń maqsaty EQYU Mınsk tobynyń teń tóraǵalarymen kezdesý ótkizý jáne qaqtyǵysty retteýdegi Ázerbaıjannyń ustanymyn qarsy tarapqa jetkizý bolyp tabylady.

Eske salsaq, 27 qyrkúıekte Ázerbaıjan men Armenııa Taýly Qarabaqtaǵy jaǵdaıdyń ýshyǵýy týraly habarlady. QR Syrtqy ister mınıstrligi jaǵdaıǵa baılanysty málimdeme taratty.