«Taýly Qarabaq Respýblıkasy» joıylady

<p>Moıyndalmaǵan Taýly Qarabaq Respýblıkasynyń basshysy Samvel Shahramanıan Qarabaqtyń barlyq memlekettik mekemeleri men uıymdaryn taratý týraly jarlyqqa qol qoıdy.&nbsp;<a href="https://armenpress.am/rus/news/1120704.html" target="_blank" rel="noopener">Armenpress</a>&nbsp;bul týraly Aqparattyq shtabqa silteme jasap jazdy, dep habarlaıdy&nbsp;<a href="https://kaz.inform.kz/" target="_blank" rel="noopener">QazAqparat.</a></p>

Jarlyqta sheshim shyǵarý kezinde qazirgi kúrdeli áskerı-saıası jaǵdaıǵa baılanysty Artsah halqynyń fızıkalyq qaýipsizdigi men ómirlik mańyzdy múddelerin qamtamasyz etý basymdyǵy negizge alynǵany, Reseı bitimgerlik kontıngenti qolbasshylyǵynyń araǵaıyndyq etýimen Ázerbaıjan Respýblıkasy ókilderimen qol jetkizilgen kelisim (onda Taýly Qarabaq turǵyndarynyń, onyń ishinde qarýyn tastaǵan áskerı qyzmetshilerdiń óz múlkimen jáne kóligimen Lachın dálizi boıynsha erkin, erikti jáne kedergisiz ótýi týraly aıtylǵan) eskerilgeni, sondaı-aq Qarabaq Konstıtýtsııasynyń 93-baby basshylyqqa alynǵany aıtylǵan.

Jarlyq mátini:

1. 2024 jylǵy 1 qańtarǵa deıin vedomstvolyq baǵynystaǵy barlyq memlekettik mekemeler men uıymdar taratylsyn jáne Taýly Qarabaq (Artsah) Respýblıkasy óz qyzmetin toqtatsyn.
2. Taýly Qarabaq turǵyndary, sonyń ishinde respýblıkadan tys jerlerdegi turǵyndarǵa osy Jarlyq kúshine engennen keıin bolashaqta Taýly Qarabaqta qalý (qaıtý) múmkindigi týralytáýelsiz jáne jeke sheshim qabyldaý maqsatynda Ázerbaıjan Respýblıkasy usynǵan reıntegratsııa sharttarymen tanyssyn».

Sondaı-aq qujat jarııalanǵan sátten bastap kúshine enetini kórsetilgen.