Taýǵa shyǵatyn týrıster marshrýttaryn qutqarýshylarmen kelisýge mindetteledi

ALMATY. QazAqparat – Almatyda taýǵa shyǵatyn týrıster júretin marshrýttaryn qutqarýshylarmen aldyn ala kelisetin bolady. Zańnamaǵa engiziletin bul ózgeris týraly Almatyǵa jumys saparymen kelgen Tótenshe jaǵdaılar mınıstri ıÝrıı Ilın aıtty, dep habarlaıdy QazAqparat.

Mınıstr tabıǵı órtter, kóshkin qaýpi bar kezeń men sý tasqynynan týyndaǵan tótenshe jaǵdaılardyń aldyn alýǵa jáne joıýǵa baǵyttalǵan jumystar boıynsha jınalys ótkizdi.

ıÝrıı Ilın Memleket basshysynyń eldegi tótenshe jaǵdaılardyń sanyn azaıtý jónindegi tapsyrmasyn eske salyp, bıznes-qaýymdastyq jaýapty vedomstvoǵa tótenshe jaǵdaılardyń aldyn alýǵa kómektesýi tıis ekendigin atap ótti.

«Biz marshrýtqa shyǵatyn barlyq týrıstik toptardy Almatynyń Tótenshe jaǵdaılar departamentimen baǵyttardy maquldap, habarlap otyrýǵa mindetteý jóninde zańnamaǵa ózgeris engizýge bastamashylyq etpekpiz. Týrızmdi damytý boıynsha front-ofıstiń qurylýyn eskere otyryp, toptardyń qalaı qozǵalatynyn baqylaý úshin Respýblıkalyq jedel-qutqarý jasaqtarymen birge týrıstik marshrýttardy tirkeýdiń elektrondy nusqasyn tezirek iske qosý qajet», - dep usyndy ıÝ.Ilın.

Budan bólek, azamattyq qorǵaý organdary qyzmetkerleriniń eńbekaqysyn kóterý, quqyqtyq jáne áleýmettik negizde qorǵalýyn arttyrý máselesi kóterildi.