Táýelsizdik jyldaryn halqymyz abyroımen júrip ótken «dara jol» deýge bolady - Prezıdent

<p>Táýelsizdik jyldaryn bizdiń halqymyz abyroımen júrip ótken &laquo;dara jol&raquo; deýge bolady. Bul týraly Aqordada Respýblıka kúnine oraı birqatar azamatqa memlekettik nagradalar men syılyqtar tapsyrýǵa arnalǵan saltanatty rásimde Memleket basshysy Qasym-Jomart Toqaev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Qazaqta «Egemen eldiń eńsesi bıik» degen sóz bar. Azattyqpen birge ulttyń rýhy kóterildi. Halqymyz kóptegen tabysqa jetti. Táýelsizdik jyldaryn bizdiń halqymyz abyroımen júrip ótken «dara jol» deýge bolady. Osy kezeńde biz qýatty ári jaýapty memleket retinde qalyptastyq. Eldigimizdiń tuǵyryn nyǵaıttyq. Kók týymyz BUU tórinde tur. Kórshi eldermen syndarly kelissóz júrgizip, shekaramyzdy birjola shegendedik. Sonyń arqasynda shynaıy dostyq shekarasy qalyptasty. Sondaı-aq ulttyq qaýipsizdigimizdi qamtamasyz ettik. Memleketimizdiń jetistikterin qaperden shyǵarmaı, únemi aıtyp júrý kerek. Óıtkeni, onyń bári – Qazaqstannyń shynaıy egemendiginiń jemisi. Sonymen birge, árıne, qatelikter de boldy. Ony umytpaǵan jón. Qazaqstannyń turaqty damýyn qamtamasyz etý úshin odan qorytyndy jasalýǵa tıis», - dedi Prezıdent.

Memleket basshysy elimiz sońǵy jyldary túbegeıli jańǵyrǵanyn basa aıtty.

«Biz aýqymdy biregeı konstıtýtsııalyq reforma jasadyq. Bul mańyzdy qadam bizdiń geosaıası ortamyzdy alyp qarasaq, teńdessiz reforma boldy. Jalpyulttyq referendýmda halqymyz bul ózgeristerge barynsha qoldaý bildirdi. Azamattardyń saıası úderiskke qatysý múmkindigi aıtarlyqtaı artty. Memleket pen qoǵamnyń qarym-qatynasy jańa sıpatqa ıe boldy. ıAǵnı, jalpyulttyq dıalogtyń aýqymy keńeıdi. Prezıdent 7 jylǵa bir ret qana saılanatyn boldy. Aralas saılaý júıesi engizildi. Munyń bárin saıası reformanyń basty mazmuny deýge bolady», - dedi Qasym-Jomart Toqaev.