Táýelsizdik kúni qarsańynda 500-den asa túrkistandyq baspanaly boldy

<p>TÚRKІSTAN. KAZINFORM&nbsp;&mdash; Túrkistan qalasynda &laquo;Jibek joly&raquo; turǵyn úı kesheni paıdalanýǵa tapsyryldy. Oblys ákimi Darhan Satybaldy turǵyndardyń qýanyshyn bólisýge arnaıy baryp, baspana kiltterin tabystady.</p>

— Barshańyzdy kele jatqan Táýelsizdik kúni merekesimen shyn júrekten quttyqtaımyn! Táýelsizdigimiz máńgi, mártebemiz bıik bolsyn! Memleket basshysynyń tapsyrmasymen júzege asyrylyp jatqan memlekettik baǵdarlamalar turǵyndarymyzdyń jaıly ómir súrýine, baspana jáne jumyspen qamtylýyna baǵyttalǵan. Búgin kezekte turǵan 500-den asa otbasy kópten kútken páterine qol jetkizip, qonys toıyn toılaýǵa múmkindik alyp otyr. Jańa qonystaryńyz qutty bolsyn! — dedi Darhan Amangeldiuly.

Foto: Túrkistan oblysy ákiminiń baspasóz qyzmeti

«Jibek joly» turǵyn úı kesheniniń qurylysy Túrkistan qalalyq ákimdiginiń tapsyrysymen júrgizildi. Qalanyń Ákimshilik-iskerlik ortalyǵynan boı kótergen 5 qabatty 508 páterli arendalyq turǵyn úı baspana kezeginde turǵan azamattarǵa úlestiriledi.

Foto: Túrkistan oblysy ákiminiń baspasóz qyzmeti

Aıta keteıik, bıyl jyl basynan beri Túrkistan qalasynda kezekte turǵan 482 otbasyna páterler tabystaldy. Jalpy, jyl qorytyndysymen túrkistandyq 990 otbasy baspanamen qamtamasyz etilmek.

Foto: Túrkistan oblysy ákiminiń baspasóz qyzmeti

Buǵan deıin Túrkistan oblystyq sotynda bıznes ókilderiniń qatysýymen qaralǵan ister kóbeıgeni habarlandy.