Táýelsizdiktiń 30 jylyndaǵy jetistikter Nıderlandynyń Klıngendal ınstıtýtynda talqylandy
Jıynǵa osy eldiń ǵylym, bıznes jáne akademııalyq ortasynyń ókilderi men tanymal sarapshylar qatysty.
Óziniń kirispe sózinde QR Syrtqy ister mınıstriniń birinshi orynbasary Erlan Álimbaev QR Tuńǵysh Prezıdenti Nursultan Nazarbaevtyń basshylyǵymen Táýelsizdiktiń 30 jyldyǵy ekonomıkalyq progres pen turaqty damý kezeńine aınalǵanyn aıtty. Bul rette qazaqstandyq dıplomat Memleket basshysy usynǵan, elimizdegi mańyzdy demokratııalyq úderisterdi júzege asyrýǵa baǵyttalǵan sheshýshi reformalar týraly aıta ketti.
E.Álimbaev Nıderlandynyń elimizdiń Eýropadaǵy sheshýshi saýda-ekonomıkalyq seriktestiriniń biri jáne Qazaqstandaǵy eń iri ınvestor ekenin jetkizdi.
Ol sonymen qatar Qazaqstannyń EO-nyń Eýropalyq Odaqtyń jasyl baǵytynyń (European Green Deal) maqsattary men mindetterine qol jetkizýge daıyn ekenin aıtyp ótti.
Nıderlandynyń Qazaqstandaǵy eks-elshisi Hans Drısserdiń moderatorlyǵymen ótken sarapshylar sessııasynyń taqyryby «EO men Qazaqstannyń jasyl energetıka salasyndaǵy yntymaqtastyǵynyń perspektıvalary» atty taqyrypta ótti.
Klıngendal ınstıtýtynyń EO máseleleri jáne jahandyq qatynastar jónindegi bólim bastyǵy Lýıza Van Shaık óz sózinde EO pen QR arasyndaǵy qarym-qatynasta munaı men tabıǵı gaz saýdasy basymdyqqa ıe bolǵanyn tilge tıek etti.
Osy rette ol Eýropalyq Odaq pen Qazaqstan arasyndaǵy jańartylatyn energııa kózderi salasyndaǵy yntymaqtastyqty jandandyrý úshin qandaı quraldardy qoldaný kerektigine de toqtaldy.
Gaaga strategııalyq zertteýler ortalyǵynyń negizin qalaýshy jáne Leıden ýnıversıtetiniń professory Rob de Veık Qazaqstannyń jańartylatyn energııa kózderi boıynsha áleýeti sýtegi energetıkasyn qosa alǵanda ekijaqty yntymaqtastyqtyń platsdarmyna aınalýy múmkin.
Óz kezeginde QR Prezıdenti janyndaǵy «Jasyl ekonomıka» jónindegi keńes múshesi, professor, «Jasyl akademııa» ǵylymı bilim berý ortalyǵynyń dırektory Baqyt Esekına Qazaqstan ekonomıkasyn kómirtegiden aryltý baǵyttary týraly aıtty.
Londondaǵy QR Tuńǵysh Prezıdenti Qorynyń basshysy Ǵanı Bekenov sharaǵa qatysýshylardy Álemdik ekonomıka jáne saıasat ınstıtýty men Nursultan Nazarbaev qory uıymdastyrǵan Astana Club 3 halyqaralyq pikirtalas alańynyń qyzmetinen habardar etti. Ol sondaı-aq Álemdik ekonomıka jáne saıasat ınstıtýty men Klıngendal ınsýtıtýty arasynda búgingiden de tyǵyn qarym-qatynas ornatýdy usyndy. Bul rette ol ınstıtýt ókilderin Astana Club-tyń kezekti májilisterine qatysýǵa shaqyrdy.
Jıyn sońynda taraptar energııa tasymaldaý, jasyl energetıka salasyndaǵy yntymaqtastyqtyń balama múmkindikteri boıynsha pikir almasty.