Táýelsizdiktiń 30 jyldyǵyna qandaı baǵdarlama ázirlenedi

ASTANA. QazAqparat - Qazaqstan Táýelsizdiginiń 30 jyldyǵyna oraı, barlyq óńirlerdi damytýǵa arnalǵan baǵdarlama qurý qajet. Bul týraly el Prezıdenti Nursultan Nazarbaev otandyq BAQ ókilderine bergen suhbatynda aıtty, dep habarlaıdy QazAqparat.

«Biz qazirden bastap Táýelsizdiktiń 30 jyldyǵyna daıyndalýymyz kerek. Bul jóninde sáıkes tapsyrmalar beremin. Atap aıtqanda, 30 jyldyq qarsańynda barlyq óńirlerdi damytýdy qolǵa alý qajet. Keı óńirde aýyzsý joq, keı óńirde kommýnaldyq sharýashylyq eskirgen. Keı aımaqtyń ishki joldary nashar. Ár oblystyń kemshin tustaryn anyqtap, Jol kartasymen qarajat bólý kerek. ıAǵnı, Táýelsizdiktiń 30 jyldyǵyn ádemi qalalarmen jáne ortalyqtarmen qarsy alýymyz kerek. Mine, osyndaı baǵdarlamany júzege asyramyz dep oılaımyn», - dedi Nursultan Nazarbaev.