Táýelsizdiktiń 30 jyldyǵy: Oralda jas dombyrashylar baıqaýy márege jetti

ORAL. QazAqparat - Oraldaǵy «Atameken» óner ordasynda Táýelsizdiktiń 30 jyldyǵyna oraı «Kúı - tektilik tereńi» oblystyq jas dombyrashylar baıqaýy márege jetti, dep habarlaıdy QazAqparat tilshisi.

Atalmysh is-shara BQO jastar saıasaty máseleleri basqarmasynyń qoldaýymen «Ǵasyr» jastar qoǵamdyq birlestigimen kúıshilik ónerdi óskeleń urpaqqa keńinen nasıhattaý, jas talanttardy anyqtaý maqsatynda uıymdastyryldy.

Saıys barysynda ulttyq qolóner túrlerinen arnaıy kórme tanystyryldy.

Eki kezeńnen turatyn baıqaýdyń fınaldyq kezeńine eń úzdikter joldama aldy.

Saıys qorytyndysynda 14-18 jastaǵylar arasynda Naýryzbek Kýzanbaev jeńimpaz atandy. Ernest Qaıyrjanov ekinshi, Aızada Qıbashova úshinshi orynǵa ıe bolsa, Juldyz Narımanova men Mádına Qadyrǵalıeva «Kórermen kózaıymy» dep tanyldy.

19-29 jastaǵylardan Baıqutty Qaırat úzdik shyqty. Eginǵalı Qydyrnııaz ekinshi, Temirlan Syralıev úshinshi júldeni enshiledi. Ramazan Bekzat pen Nuraı Úmbetova «Kórermen kózaıymy» atandy.

Jeńimpaz-júldegerlerge arnaıy dıplomdar, eskertkish syılyqtar, qarjylaı sertıfıkattar tapsyryldy.

Eske sala keteıik, budan buryn elordada kúıshi Orynbaı Dúısenniń «Uly kósh» atty keshi ótkenin jazǵan bolatynbyz.