Táýelsizdiktiń 30 sáti: Fotobaıqaýda bas júldeni jezqazǵandyq fotograf jeńip aldy

QARAǴANDY. QazAqparat – Qaraǵandy oblystyq beıneleý óneri murajaıynda «Táýelsizdiktiń 30 sáti» oblystyq fotobaıqaý-vernısajynyń qorytyndysy shyǵaryldy. Oǵan 18–30 jas aralyǵyndaǵy jas fotograftar qatysty. Baıqaýǵa 50-den astam jumys kelip tústi, dep habarlaıdy QazAqparat tilshisi.

Bas júldeni Jezqazǵandyq fotograf Ǵalııa Ábdiǵapparova jeńip aldy. Júldeli úsh oryndy temirtaýlyq fotograftar ózara bólisti.

Birinshi oryndy Fedor Lobov, ekinshi oryndy Tatıana Letneva jáne úshinshi oryndy Ekaterına Tkachenko aldy.

«Jezqazǵanda aýdandyq «Saryarqa« gazetiniń fototilshisi bolyp 6 jyl jumys istedim, al qazir men ústel tennısinen jattyqtyrýshymyn. Buǵan deıin Jezqazǵanda ótken osyndaı foto baıqaýǵa qatysyp, bas júlde alǵan bolatynmyn. Men 10-ǵa jýyq sýret jiberdim – ol bizdiń qalamyzdaǵy túrli is-sharalardan, Prezıdenttiń Ulytaýǵa saparynan alynǵan fotolar», – dedi Ǵalııa Ábdiǵapparova.

Jeńimpazdar sertıfıkattarmen jáne aqshalaı syılyqtarmen marapattaldy.

Oblysymyzdyń jas fotograftarynyń kórmesi 8 qarashaǵa deıin jalǵasady.