Táýelsizdiktiń 20 jyldyǵy qarsańynda «Jetigen-Qorǵas» jáne «Ózen-Túrikmenstanmen memlekettik shekara» temirjol jelileri iske qosylady

ANA. 20 jeltoqsan. QazAqparat /Qanat Mámetqazyuly/ - Aldaǵy 2011 jyly Qazaqstan Táýelsizdiginiń 20 jyldyǵy qarsańynda «Jetigen-Qorǵas» jáne «Ózen-Túrikmenstanmen memlekettik shekara» jańa temirjol jelileri iske qosylady.

Bul týraly búgin QR Parlamenti Májilisinde ótken Úkimet saǵatynda Kólik jáne kommýnıkatsııa mınıstri Ábilǵazy Qusaıynov málim etti.

«Budan bólek, 2011 jyly Astanadaǵy «Talgo» kompanııasynyń alǵashqy 17 jolaýshylar vagony, ıaǵnı temirjol tasymaly boıynsha bir quramy shyǵarylady. Budan keıingi jyldary osy nysanda jańadan 100-150 vagonnan shyǵaryla bastaıdy. Úkimet osy jobany jeńildikpen nesıeleý máselesine qoldaý bildirgen bolatyn», - deıdi mınıstr.

Onyń aıtýyna qaraǵanda, kelesi jyly áleýmettik mańyzy zor «Atyraý-Astana» jańa temirjol baǵytyn iske qosý josparlanyp otyr. Esterińizge sala keteıik, atalǵan baǵytta jańa temirjol jelisin ashýdy birqatar depýtattar kótergen bolatyn.