«Táýelsizdiktiń 20 jyldyǵy qarsańynda kem degende 20 qalanyń baıyrǵy ataýyn qaıtarsa...» - respýblıkalyq basylymdarǵa sholý

TANA. 6 qazan. QazAqparat - Qazaq aqparat agenttigi respýblıkalyq basylymdarda 6 qazan, beısenbi kúni shyqqan ózekti materıaldarǵa sholýdy usynady.

***

Keshe Aqordada Memlekettik hatshy Qanat Saýda­baev­tyń tóraǵalyq etýimen Qa­zaq­stan Respýblıkasy Táýel­siz­diginiń 20 jyldyq mereı­toıyn ótkizý jónin­de­gi Memlekettik komıssııanyń kezekti otyrysy bolyp ótti. Osy alqaly jıyn arqaý bolǵan maqala «Egemen Qazaqstan» gazetinde «Mereıtoılyq jyldyń jaýapkershiligi» degen taqyryppen jarııalandy. Basylymnyń atap ótýinshe, toǵyz aı boıyna elimizde qy­rýar jumystar atqaryldy. As­tanada jáne barlyq óńirlerde myńnan astam is-sharalar men túrli deńgeıdegi jumystar jú­ze­ge asty. Bulardy ótkizýde jastar, ǵylym jáne sharýashylyq ókilde­ri, ekono­mıkanyń ónerká­sip jáne aýyl sharýashylyǵy sek­torlary, úkimet­tik emes uı­ym­dar men qoǵamdyq qozǵa­lys­tar belsendilikpen atsa­lys­ty.

«Keshe Memleket basshysy Nursultan Nazarbaev «Qazaqstan temir joly» UK» AQ-tyń prezıdenti Asqar Mamındi qabyldady», - dep jazady «Egemen Qazaqstan» gazeti. Basylymnyń jazýynsha, A.Mamın Prezıdentke «Qazaqstan temir joly» AQ-tyń aǵymdaǵy qyzmeti jaı­ly jáne iri ınvestıtsııalyq joba­lar­dy iske asyrý barysy týraly habarlady. «Men Memleket basshysyna kom­panııa­nyń 9 aıdaǵy qyzmetiniń qory­tyn­dylary tý­raly baıandadym. Barlyq jospar artyǵymen oryndalýda. Negizgi óndiristik kórsetkishter asyra oryn­da­lýda. Bıylǵy jyly kom­pa­nııa­nyń taza paıdasy 90 mlrd. teńge mólsherinde bo­la­dy dep kútilýde. Birqatar iri ın­vestı­tsııa­lyq jobalar iske asyrylýda», - dedi A.Mamın jýrnalısterge arnalǵan brıfıngte.

***

Et óndirisi qaı ýaqytta bolsa da elimizdiń aýyl sharýashylyǵyndaǵy negizgi jáne basym baǵyttardyń biri bolyp keledi. Keńes Odaǵy zamanynda Qazaqstanda mal sharýashylyǵy qarqyndy jolmen damydy. Tipti bizdiń jalpyodaqtyq qorǵa et ónimderin negizgi jetkizýshilerdiń biri bolǵanymyz da ras. Al táýelsizdik jyldaryndaǵy Qazaqstandaǵy mal sharýashylyǵynyń damý barysyn úsh kezeńge bólýge bolady. Bul jaıynda tolyǵyraq aqparat alǵyńyz kelse, «Aıqyn» gazetiniń búgingi nómirindegi «Aýyldy kóterýdiń bir joly - et naryǵyn damytý» degen taqyryptaǵy maqalaǵa kóz júgirtińiz.

Bokstan Ázirbaıjannyń astanasynda ótip jatqan álem chempıonatynda myqtylar men osaldardyń ara-jigi ajyrady. Baby men baǵy qatar shapqandar jarysty jalǵastyrýda. Jarty jolǵa jetpeı súringenderi kórermender qataryn qosyldy. Eń bastysy, qazirgi kezde 2012 jyly Londonda alaýy tutanatyn Olımpıada oıyndaryna qatysatyndar belgili boldy. Biraq bul derekke qarap, «endi jarystyń qyzyǵy kemıdi» degen oı týyndamaýy kerek. Iá, Olımpıada joldamasynyń ıegerleriniń esimderi belgili bolǵany ras. Alaıda álem chempıonatynda kimder jeńimpaz atanyp, kimder júldegerler sanatyna qosylatyny áli anyqtalǵan joq. Alda - jartylaı fınal men aqtyq aıqas. Al jeńisti joldaryn jalǵastyryp kele jatqan qazaq boksshylary jaıynda «Aıqyn» gazetiniń búgingi nómirinen oqyp bilesizder.

***

«Alash aınasy» gazetiniń turaqty «Dat!» aıdarynda QR Parlamenti Májilisiniń depýtaty Jarasbaı Súleımenovpen aradaǵy suhbat «Táýelsizdiktiń 20 jyldyǵy qarsańynda kem degende 20 qalanyń baıyrǵy ataýyn qaıtarsa...» degen taqyryppen berilgen. Basylym tilshisiniń barlyq saýaldaryna tuşymdy jaýap bergen halyq qalaýlysy: «Biz ulttyq qundylyqtarymyzdy baǵalap, halyqtyń ıgiligine jarata bilýimiz kerek. onyń aýqymy óte keń. Uly dalanyń tósine uly memleket quramyz desek, Alash arystarynyń ómiri men shyǵarmashylyǵyna, solar qaldyrǵan muraǵa kóp arqa súıeýimiz kerek. Sony basshylyqqa ala otyryp ómir súrip, búgingi urpaqty sondaı erkindik rýhynda tárbıeleý qajet», - deıdi.

«Bireý ólmeı, bireýge kún joq... Shymbaıǵa batsa da, shyndyqtyń aty - shyndyq. Erik berse, aýany da satyp aqsha jasaǵysy keletin qýaıaqtar endi búgin adamdy ólimge ıtermeleý kásibine kirisipti», - dep jazady «Alash aınasy» gazeti. Basylymnyń atap ótýinshe, ol úshin álgi qýaıaqtar arnaıy saıttar ashyp alǵan. Onda «moıynǵa arqan sal da, óle qal emes, ólip jatyp ta qalaı ádemi bolyp qalýdyń túrli-túrli tásilderin kóz aldyńyzǵa jaıyp salady. Maqala «Sýıtsıd jármeńkesi nemese ázázil saıttardan qalaı saqtanýǵa bolady?» degen taqyryppen berilgen.

***

«Kazahstanskaıa pravda» gazetiniń jazýynsha, keshe Memleket basshysy Nur­sultan Nazarbaev EýrAzEQ-­tyń Bas hatshysy Taıyr Mansurovty qabyldady. T.Mansurov Memleket bas­shy­syna EýrAzEQ-tyń qyzmeti tý­ra­ly jáne Eýrazııalyq keńistiktegi ıntegratsııalyq úderisterdi damy­týdyń serpini jaıly habarlady. «Memleket bas­shysy usynǵan joba búginde júzege asyrylýda. Bul - Keden odaǵy, Biryń­ǵaı ekono­mıkalyq keńistik, jáne bola­shaq ıntegratsııa, biregeılendirý, va­lıý­­ta­lyq odaq qurý. Sondyqtan bizdiń EýrAzEQ jónindegi ju­mys­tarymyz kezdeısoqtyq emes, ol bárinen buryn, Qazaqstan Prezıdenti Nursultan Ábish­uly Nazarbaevtyń jobasy bolyp taby­lady», - dedi T.Mansurov jýrnalısterge arnalǵan brıfıngte.