Táýelsizdikke 30 jyl: Tarazda «Tórtinshi onjyldyqtaǵy Táýelsiz Qazaqstan» atty jastar forýmy ótti
2021 jyldyń 14 qazanynda Taraz qalasyndaǵy Mektep olımpıadalaryn jáne mektepten tys is-sharalardy ótkizetin oblystyq «Jambyl daryny» ortalyǵynyń akt zalynda Jambyl oblysy ákimdiginiń jastar saıasaty máseleleri basqarmasynyń uıymdastyrýymen Qazaqstan Respýblıkasy Táýelsizdiginiń
30 jyldyǵy aıasynda «Tórtinshi onjyldyqtaǵy Táýelsiz Qazaqstan» atty oblystyq jastar forýmy ótti.
Maqsaty – Táýelsizdiktiń 30 jyldyq mereıtoıynyń mańyzdylyǵyn jáne Qazaqstannyń Tuńǵysh Prezıdenti – Elbasy N.Á.Nazarbaevtyń táýelsiz memlekettiń qalyptasýy men damýyndaǵy rólin uǵyný arqyly jastardyń patrıottyq sezimin kúsheıtý.
Atalǵan is-sharaǵa Táýelsizdik qurdastary, ártúrli sanattaǵy jastardyń belsendi ókilderi, jastar uıymdarynyń kóshbasshylary stýdentter, jas kásipkerler, aýyl jastary, volonterler qatysty.
Belsendi jastar, oblystyq jastar resýrstyq ortalyǵynyń dırektory A.Taýten, Táýelsizdik qurdasy, Jambyl aýdanyndaǵy «Birlesý-Eńbek» orta mektebiniń aǵylshyn tili pániniń muǵalimi J.Shohaev 30 jyldyq kezeńde Qazaqstannyń áleýmettik-ekonomıkalyq jáne saıası damýy, sátti reformalar, qoǵamdyq sanany jańǵyrtý máseleleri jóninde oılaryn bólisti.
Jambyl oblystyq fılormonııasynyń ónerpazdary, Mektep olımpıadalaryn jáne mektepten tys is-sharalardy ótkizetin oblystyq ortalyǵynyń oqýshylarynan quralǵan hor óz ónerlerin usyndy.
Sonymen qatar, belsendi qoǵamdyq qyzmeti úshin 30 jyldyqtyń ozattary, oblystaǵy Táýelsizdik qurdastary J.Shohaev, A.Ibraeva, B.Abdýllaeva, B.Sabekov, S.Baqtybaeva oblys ákimdigi jastar saıasaty máseleleri basqarmasynyń alǵyshattarymen marapattaldy.