Táýelsizdik jyldarynda qazaqstandyqtardyń ál-aýqaty 15 esege artty - QR Prezıdenti
«Bizdiń Táýelsizdigimizge 20 jyldan sál ǵana asty. Osy jyldary bizdiń eldiń ekonomıkasy 16 esege, halyqtyń ál-aýqaty 15 esege ósti. Búginde altyn valıýta qory 100 mlrd. dollardan asyp tústi», - dedi Prezıdent.
Sonymen qatar, Memleket basshysy Dúnıejúzilik ekonomıkalyq forýmnyń jahandyq básekege qabilettilik esebi nátıjelerine sáıkes, bıyl Qazaqstan 144 eldiń arasynda 50-oryndy alǵandyǵyn atap ótti. Munymen qosa Elbasy Dúnıejúzilik banktiń bıznesti jeńil júrgizýdiń jyl saıynǵy reıtınginde Qazaqstan 50-shi orynǵa turaqtaǵanyn jetkizdi.
Bıznes-forýmǵa eki el tarapynan 250-ge jýyq delegat qatysty. Jıyn barysynda Qazaqstan jaǵy Iran delegatsııasyn elimizde júrgizilip jatqan ındýstrııalandyrý baǵdarlamasymen tanystyryp, atalǵan eldiń bıznes ókilderin jobalardy iske asyrýǵa shaqyrdy.