Táýelsizdik jyldarynda qansha adam qajy atandy
«Jalpy, statıstıkalyq málimetterge kelsek, jyl sanap qajylyqqa nıet etýshiler sany artyp keledi. 1990 -2019 jyldar aralyǵynda Qazaqstan azamattaryna Saýd Arabııasy tarapynan 56 635 qajylyq kvota bólingen», - dedi ol.
Komıtet ókili táýelsizdiktiń alǵashqy jyldary bizdiń el azamattaryna ondaǵan kvota ǵana bólingenin, keıin onyń kóbeıe túskenin aıtady.
«1990 jyly Saýd Arabııasy qazaqstandyqtarǵa 50 kvota bólse, 1991 jyly 74 kvota bólgen. Osylaı óse kele, bıyl 3200-ge jetip otyr», - dedi Erjan Núkejanov.
Qazaqstan musylmandary dinı basqarmasy tóraǵasynyń birinshi orynbasary, Naıb Múftı Naýryzbaı Ótpenovtiń aıtýynsha, Qazaqstan azamattaryn qajylyq saparǵa aparýmen 18 kompanııa aınalyspaq.
«Qajylyqqa barýshylardyń qaýipsizdigine jaýap beretin arnaıy mıssııa quryldy. Ol mıssııa 12 adamnan turatdy. Olardyń qatarynda naıb múftıdiń jetekshiligimen Qazaqstan musylmandary Dinı basqarmasynyń 8 ókili, Din isteri komıtetiniń ókili jáne 3 dáriger bar. Odan bólek qazaqstandyqtardyń qajylyqqa barýyna 18 fırma jaýapty. Osy ár fırmaǵa bir dinı qyzmetker jáne bekitilgen», - dedi múftııat ókili.
Eske salsaq, jyl basynda qazaqstandyqtardy qajylyqqa aparatyn eki áýe kompanııasy bekitilgen bolatyn. Bıyl óńirler arasynda Túrkistan oblysynan qajylyqqa barýǵa nıet bildirýshiler sany kóp.
Ortalyq kommýnıkatsııalar qyzmetinde ótken brıfıngte Qazaqstan musylmandary dinı basqarmasy tóraǵasynyń birinshi orynbasary Naýryzbaı Ótpenov qajylyq vıza kimderge berilmeıtinin túsindirdi.