Táýelsizdik jyldarynda elde 787 ishki ister qyzmetkeri qyzmet babynda qaza bolǵan

NUR-SULTAN. QazAqparat - QR Іshki ister mınıstri Erlan Turǵymbaev qyzmettik boryshyn óteý barysynda qaza bolǵan ishki ister organy qyzmetkerleri men Ulttyq ulan jaýyngerleriniń monýmentine gúl qoıdy, dep habarlaıdy QazAqparat tilshisi.

Saltanatty sharaǵa jınalǵan jurtty qatar keletin qos merekemen quttyqtaǵan Erlan Turǵymbaev ekeýiniń ishki ister salasy qyzmetkerleri úshin erekshe mańyzǵa ıe ekenin atady.

«Ekinshi dúnıejúzilik soǵysqa qatysqan 3 myńnan astam maıdanger elge oralǵan soń ishki ister organdarynda qyzmet etti. Maıdanger qyzmetkerlerdiń 20-dan astamy joǵary general ataǵyn aldy. Olardyń erligi jas býynnyń parıottyq sezimin shyńdaýda basty úlgi bolyp qalady» - dedi E.Turǵymbaev.

Mınıstrdiń aıtýynsha, táýelsiz Qazaqstan tarıhynda ishki ister organdary men Ulttyq ulannyń 787 qyzmetkeri qyzmettik boryshyn óteý kezinde qaza taýyp, 351 qyzmetker túrli jaraqat alǵan.

Gúl qoıý rásiminen keıin sala úzdikteri mınıstrdiń qolynan memlekettik jáne vedomstvolyq nagradalar aldy. Memlekettik nagradalarmen ishki ister organdary men Ulttyq ulannyń 29 qyzmetkeri, vedmstvolyq nagradalarmen 628 qyzmetker marapattaldy.

Saltanatty sharanyń sońy merekelik kontsertke ulasty.