Táýelsizdik jyldarynda «Bolashaq» baǵdarlamasymen 560 bilikti dáriger daıyndaldy - N.Nazarbaev
16:53, 14 Jeltoqsan 2013
ASTANA. 14 jeltoqsan. QazAqparat - Táýelsizdik jyldarynda «Bolashaq» baǵdarlamasymen 560 bilikti dáriger daıyndaldy. Bul týraly búgin QR Táýelsizdigi kúnine arnalǵan saltanatty jıynda sóz sóılegen QR Prezıdenti Nursultan Nazarbaev aıtty.
«Osy jyldar ishinde «Bolashaq» baǵdarlamasy boıynsha 560 bilikti dáriger daıyndaldy. Olardyń árqaısysy adamdardy emdeıdi, keńes beredi, jas mamandardy taǵlymdamadan ótkizedi. Munyń baryǵy densaýlyqty damytý, ana men balaǵa qamqorlyq, qart adamdar týraly 20 jyldyq jsopardy júzege asyrýdyń naqty nátıjesi. Basty nátıje - ómir súrý uzaqtyǵy artyp, ólim-jitim tómendedi, halyq sany ósip keledi»,- dedi N.Nazarbaev.
QR Prezıdentiniń paıymynsha, bul bizdiń maqtan tuta alarlyq basty jetistigimiz.