Táýelsizdik jyldary elge qansha qandas oraldy

ASTANA. QazAqparat - 2022 jylǵy 1 jeltoqsandaǵy jaǵdaı boıynsha 17 888 etnıkalyq qazaq tarıhı otanymen tabysyp, qandas mártebesin aldy. Jalpy 1991 jyldan beri respýblıkaǵa 1 mıllıon 105,7 myń etnıkalyq qazaq oraldy, dep habarlaıdy QR Eńbek jáne halyqty áleýmettik qorǵaý mınıstrliginiń baspasóz qyzmeti.

Osy jyldyń basynan bastap Qazaqstanǵa kelgen qandastardyń jartysynan kóbi (63,5%) Ózbekstannan, 9,9% – Reseıden, 9,1% – Túrkimenstannan, 8,6% – QHR-dan, 4,9% – Mońǵolııadan, 4% – basqa elderden.

Elge oralǵan etnıkalyq qazaqtar negizinen Almaty (27,1%), Mańǵystaý (17,7%), Túrkistan (8,3%) jáne Jambyl (6,1%) oblystaryna, sondaı-aq Almaty (5,5%), Astana (9,1%) jáne Shymkent (6,6%) qalalaryna qonystandy.

Bıylǵy jyldyń 1 jeltoqsanyndaǵy jaǵdaı boıynsha eńbekke qabiletti jastaǵy etnıkalyq qonys aýdarýshylar sany 59,4%-dy, eńbekke qabiletti jastan kishi 26,9%-dy jáne zeınetkerler 13,7%-dy quraıdy.

Eńbekke qabiletti jastaǵy qandastardyń ishinen bilim deńgeıi boıynsha 20%-y joǵary bilimdi, 39,4%-y orta kásibı bilimdi, 38,9%-y jalpy orta bilimdi jáne 1,7%-ynyń bilimi joq.