Táýelsizdik jyldary azamattyq qorǵaý akademııasynda 5 myńnan astam qutqarýshy daıyndaldy

KÓKShETAÝ. QazAqparat - QR TJM M.Ǵabdýllın atyndaǵy azamattyq qorǵaý akademııasynda Tótenshe jaǵdaılar mınıstri, general-maıor ıÝrıı Ilınniń tóraǵalyǵymen ǵylymı keńestiń keńeıtilgen otyrysy ótti. Otyrys taqyryby atalmysh oqý ornyna akademııa mártebesin jáne qazaq batyry Málik Ǵabdýllınniń esimin berýge arnaldy, dep habarlaıdy QazAqparat tilshisi oblystyq ishki saıasat basqarmasyna silteme jasap.

Onlaın rejımde ótken sharaǵa qoǵam qaıratkerleri, Málik Ǵabdýllınniń qyzy Maıdan Málikqyzy jáne TJM aýmaqtyq bólimsheleriniń qyzmetkerleri qatysty.

Sharada ıÝrıı Ilın quttyqtaý sóz sóıledi.

«Akademııaǵa ataqty maıdanger, Keńes Odaǵynyń batyry, Qazaq KSR eńbek sińirgen ǵylymı qaıratkeri, Aqmola oblysynyń týmasy Málik Ǵabdýllınniń esimin berý týraly sheshim - elimiz úshin, ásirese, kókshetaýlyqtar úshin shyn máninde tarıhı oqıǵa boldy. Akademııa mártebesin alý - ujym jetistikteriniń nátıjesi jáne joǵary oqý orny qyzmetiniń laıyqty moıyndalýy», - dep atap ótti mınıstr.

Іs-shara kúndizgi oqý fakýltetindegi 136 kýrsanttyń oqý bitirý saltanatty rásimine ulasty.

Azamattyq qorǵaý organdarynyń qyzmetkerleri óz qataryna 136 jas ofıtser-qutqarýshyny qabyldady.

Oblys ákimi Ermek Marjyqpaev akademııanyń tabysty aıaqtalýymen jáne alǵashqy ofıtserlik ataq berilýimen quttyqtap, túlekterge jyly lebizin bildirdi.

«Adamdardy qorǵaý men qutqarýmen baılanysty mamandyqty tańdaý erekshe qurmetke laıyq, óıtkeni azamattyq qorǵaý organdaryndaǵy qyzmet zor kúsh-qýatty, tabandylyqty, shydamdylyqty, batyldyqty talap etedi. Alda sizderdi úlken ómir joly kútip tur. Sizderge júktelgen senim aqtalady dep úmittenimz. Kýrsanttar men ofıtserler tek Aqmola oblysynyń aýmaǵynda ǵana emes, búkil respýblıka boıynsha TJ joıýǵa belsendi qatysady», - dedi oblys basshysy.

Búgingi tańda oqý orny «órt qaýipsizdigi», «tótenshe jaǵdaılarda qorǵaý», «azamattyq qorǵanystyń komandalyq taktıkalyq kúshteri» jáne «órt sóndirý jáne avarııalyq-qutqarý isi» sııaqty 4 bilim baǵdarlamasy boıynsha bilikti mamandar daıarlaıdy.

Sondaı-aq, «órt qaýipsizdigi» mamandyǵy boıynsha qashyqtyqtan oqytý júrgiziledi.

Kelesi jyldan bastap «órt qaýipsizdigi» mamandyǵy boıynsha magıstratýraǵa alǵashqy qabyldaý josparlanýda.

Shara aıasynda Ortalyq alańdaǵy Málik Ǵabdýllın eskertkishine gúl shoqtaryn qoıý rásimi ótti.

Aıta keteıik, Táýelsizdik jyldary atalmysh bilim ordasynda 5000-ǵa jýyq maman daıarlandy, onyń ishinde 132 túlek úzdik dıplom aldy.

Onyń kópshiligi basshylyq laýazymdarda jumys isteıdi.