«Táýelsizdik urpaqtary» grantyna qujat qabyldaý jalǵasýda
Aǵymdaǵy jyldyń 20 shildesinde Qazaqstan Respýblıkasy Aqparat jáne qoǵamdyq damý mınıstrligi jarııalaǵan «Táýelsizdik urpaqtary» grantyn taǵaıyndaý konkýrsyna qatysý úshin qujattardy qabyldaý jalǵasýda.
Táýelsizdiktiń 30 jyldyǵyn merekeleý aıasynda aǵymdaǵy jyly árbir grantqa 3 mln teńge somasynda 30 grant beriletin bolaty bolady.
Grant berýdiń maqsaty belsendi shyǵarmashyl jastar qaýymdastyǵyn qalyptastyrýǵa baǵyttalǵan jastardyń jańa jáne qoldanystaǵy bastamalaryn memlekettik qoldaý bolyp tabylady.
Konkýrstyq ótinimderdi qabyldaý aıaqtalǵan kezde jasy 14 kem emes jáne 29 aspaıtyn, konkýrsqa qatysýǵa konkýrstyq ótinim bergen Qazaqstan Respýblıkasynyń azamaty úmitker bola alady.
Granttar Qazaqstan Respýblıkasynyń azamatyna jańa ıdeıalar men bastamalardy iske asyrý úshin konkýrstyq negizde mynadaı baǵyttar boıynsha beriledi:
«Ǵylym» – ǵylymnyń basym sektorlarynda jańa ǵylymı jobalardy jáne zertteýlerdi iske asyrýǵa arnalǵan;
«Mádenıet» – Qazaqstannyń mádenı murasyn tanymal etýge, halyqtyq mádenı dástúrler men ónerdi ilgeriletýge baǵyttalǵan jobalardy iske asyrýǵa arnalǵan;
«Aqparattyq tehnologııalar» – jańa IT sheshimder men jobalardy, onyń ishinde jańadan bastalǵan startap jobalardy iske asyrýǵa jáne ázirleýge arnalǵan;
«Bıznes» – ekonomıkanyń basym sektorlarynda jańa bıznes-ıdeıalardy iske asyrýǵa arnalǵan;
«Medıa» – jańa medıa jobalardy, onyń ishinde jastar úshin tanymdyq, paıdaly, qyzyqty kontent qurý jónindegi jobalardy iske asyrýǵa arnalǵan.
Úmitkerlerdiń konkýrstyq ótinimderi aǵymdaǵy jylǵy 20 qyrkúıekke deıin generation.kaz@gmail.comelektrondyq poshtasyna qabyldanady.
Konkýrstyq ótinimder memlekettik jáne (nemese) orys tilderinde qabyldanady jáne:
1) nysan boıynsha jobanyń sıpattamasy;
2) jobanyń beıne-tanystyrylymy (60 sekýndtan aspaıdy);
3) shyǵystar smetasynyń jobasy;
4) zııatkerlik menshik týraly málimetter (bar bolsa) qamtylýǵa tıis.
Tolyǵyraq aqparat («Táýelsizdik urpaqtary» grantyn berý qaǵıdalary jáne t.b.) Qazaqstan Respýblıkasy Aqparat jáne qoǵamdyq damý mınıstrliginiń resmı saıtynda (qogam.gov.kz) «Jastar saıasaty» bóliminde, sondaı-aq kelesi nómirler arqyly 8 7172 74-05-25, (87058223333) qoljetimdi.
Esterińizge sala keteıik, Qazaqstan Respýblıkasynyń Prezıdenti Qasym-Jomart Toqaev aǵymdaǵy jyldyń 5 qańtarynda «Egemen Qazaqstan» respýblıkalyq gazetinde jarııalanǵan «Táýelsizdik bárinen qymbat» atty maqalasy aıasynda áli tanylmaǵan talantty jastardy qoldaý úshin grant taǵaıyndaýdy tapsyrǵan bolatyn.
Nátıjesinde Qazaqstan Respýblıkasynyń Úkimeti 2021 jylǵy 8 shildedegi №469 «Táýelsizdik urpaqtary» grantyn taǵaıyndaý týraly» qaýly qabyldady.