«Táýelsizdik urpaqtary» granty jyl saıyn beriledi jáne kólemi artady

ASTANA. QazAqparat – Qazaqstan jahandyq jastardyń damý ındeksinde 53-orynda tur. Jastar saıasatyndaǵy negizgi nátıjelerdi Aqparat jáne qoǵamdyq damý mınıstri Darhan Qydyráli baıandady, dep habarlaıdy QazAqparat.

«2022 jyly Jas Project jobasy iske asyryldy, onyń aıasynda jastardyń bıznes bastamalaryn qoldaý úshin 1 mln teńgeden 250 grant berildi. Daryndy jastardy qoldaý maqsatynda 3 mln teńgeden «Táýelsizdik urpaqtary» granty 33 adamǵa taǵaıyndaldy. Bul grant jyl saıyn beriledi jáne onyń kólemin ulǵaıtýdy josparlap otyrmyz», - dedi D.Qydyráli mınıstrliktiń keńeıtilgen alqa otyrysynda.

Sonymen birge, 2022 jyly jastar praktıkasynan ótý kezeńi 6 aıdan 12 aıǵa deıin jáne birinshi jumys orny jobasy boıynsha 12-den 18 aıǵa deıin uzartyldy. Bul jastar úshin alǵashqy jumys tájirıbesin alýǵa jáne tabys tabýǵa jaqsy múmkindik bolmaq.

«2022 jyly Astana qalasynda 500-den astam adamnyń qatysýymen «Qogam Fest» jastar jobasy uıymdastyryldy. Bul ıgi bastama da jalǵasyn tabady. Sondaı-aq, Qazaqstanda alǵash ret elimizdiń túpkir-túpkirinen 200-den astam blogerdiń qatysýymen mınıstrliktiń «TikTok House» jobasy iske asyryldy. Jalpy jastar saıasaty salasynda jasalyp jatqan jumystar óz nátıjesin bere bastady. Máselen, byltyr Qazaqstan jahandyq jastardyń damý ındeksinde 150 memleket arasynan 63-orynnan 53-orynǵa kóterildi», - dedi Darhan Qydyráli.

Foto: pinterest.com